दिल्ली आणि मुंबईच्या विश्वचषक सामन्यांमध्ये फटाक्यांवर BCCIने लावले Ban
BCCI bans firecrackers : भारतीय क्रिकेट नियामक मंडळाने(BCCI)दिल्ली आणि मुंबईतील वाढत्या वायू प्रदूषणामुळे या दोन शहरांमध्ये विश्वचषक सामन्यांदरम्यान फटाक्यांवर बंदी घातली आहे.
6 नोव्हेंबरला (SLvsBAN) श्रीलंका आणि बांगलादेश आमनेसामने होतील तेव्हा दिल्लीत फक्त एक सामना बाकी आहे. 2 आणि 7 नोव्हेंबरला मुंबईत लीगचे सामने होणार आहेत आणि उपांत्य फेरीचे सामने 15 नोव्हेंबरला होणार आहेत.
बीसीसीआयचे सचिव जय शाह यांनी बुधवारी दिलेल्या निवेदनात म्हटले आहे की,
ते म्हणाले, “बोर्ड नेहमीच चाहते आणि भागधारकांचे हित सर्वोपरि ठेवते. मुंबई आणि दिल्लीतील वायू प्रदूषणाची पातळी चिंताजनक असल्याचे बीसीसीआयचे मत आहे. विश्वचषक हा सणासारखा साजरा व्हावा, अशी आमची इच्छा आहे, परंतु आरोग्य आणि सुरक्षिततेबाबत आम्ही आमच्या प्राधान्यापासून दूर जाऊ शकत नाही.
दोन्ही शहरांमधील एअर क्वालिटी इंडेक्स (AQI) मुळे बीसीसीआयने हा निर्णय घेतला आहे.
बुधवारी दिल्लीतील हवा गुणवत्ता निर्देशांक 372 होता, जो वाईट श्रेणीत येतो. मुंबई उच्च न्यायालयाने देखील या प्रकरणाची स्वतःहून दखल घेतली होती आणि मुंबईतील AQI च्या घसरत्या पातळीबद्दल चिंता व्यक्त केली होती.
