Kai po Che: Movie Preview | काई पो चे चित्रपटाचे कथानक
PR PR |
निर्माता : रॉनी स्क्रूवाला, सिद्धार्थ रॉय कपूर
दिग्दर्शक : अभिषेक कपूर
संगीत : अमित त्रिवेदी
कलाकार : सुशांत सिंह राजपूत, अमित साद, राजकुमार यादव, अमृता पुरी
प्रदर्शन तारिख : २२ फेब्रुवारी २०१३
'काई पो चे!' एक हिंदी चित्रपट आहे, मात्र नांव गुजराती आहे. चित्रपटाचे कथानक गुजरातच्या पार्श्वभूमीवर बेतलेले असल्याने नांवही गुजराती ठेवण्यात आले. दुसर्याची पतंग काटल्यावर जसा हुर्रे..... करतो, त्याचप्रमाणे गुजरातीत काई पो चे! म्हणून हुर्रे केल्या जातो.
चित्रपट चेतन भगत यांच्या 'द थ्री मिस्टेक्स ऑफ माय लाइफ' या कादंबरीवर बेतण्यात आला आहे. अभिषेक कपूर यांनी दिग्दर्शन केले असून याअगोदर त्यांच्या 'रॉक ऑन' चित्रपटाने समीक्षकांनी वाहवा लुटली होती.
PR PR |
अहमदाबाद येथे ईशान, गोविंद व ओमी नावांचे तिघे मित्र राहतात. सर्व युवकांप्रमाणे यांचीही काही स्वप्ने आहेत. गोविंदला व्यवसाय सुरू करायचा आहे. ईशान व ओमी यांचे क्रिकेट प्रेम बघून तो खेळसाहित्याचे दुकान सुरू करतानाच क्रिकेटचे प्रशिक्षण देण्यास सुरूवात करतो. तिघेही एकत्र आहेत मात्र त्यांची ध्येय वेगवेगळी आहेत.
गोविंद यांस व्यवसायातून पैसे कमवायचे आहेत. ईशान युवकांना क्रिकेटचे धडे देत असताना अली नावांचा दमदार हिरा त्यास गवसतो. त्या हिर्यास पैलू पाडण्याचा ध्यास तो घेतो. ओमी यांस या दोघा मित्रांची कंपनी आवडते म्हणून तो सोबत असतो.
