दिवाळीत खमंग चित्रपटांचा ''फराळ''

IFM

IFM

बाजारात दिवाळीची धामधूम सुरू झाली असतानाच बॉलीवूडलाही या मुहूर्ताचे वेध लागले आहेत. दिवाळीत आपले चित्रपट प्रदर्शित करण्यासाठी निर्मात्यांची एकच धांदल सुरू आहे. सुट्यांमध्ये चित्रपटांना चांगला प्रतिसाद मिळतो म्हणून अनेक चित्रपट 'वेटिंग' मध्ये होते. आता पुढील आठवड्यात बिगबजेट चित्रपट प्रदर्शित होत आहेत.

IFM

IFM

मंगळवारी दिवाळीस सुरुवात होत आहे आणि बुधवारी दोन प्रमुख चित्रपट प्रदर्शित होत आहेत. 'गोलमाल' च्या यशानंतर दिग्दर्शक रोहित शेट्टी यांचा त्याच धर्तीवरचा 'गोलमाल रिटर्न' प्रदर्शित होत आहे. पहिल्या चित्रपटात प्रेक्षकांना पोट धरून हसवायला लावल्यानंतर दुसरा चित्रपटही तेवढाच कॉमेडी ठरेल, असा त्यांना विश्वास आहे.

IFM

IFM

यामध्ये अजय देवगण, करीना कपूर, सेलिना जेटली, श्रेयस तळपदे, अमृता अरोरा सारखे आघाडीचे कलाकार आहेत. सणासुदीच्या दिवसात लोकांना हलके-फुलके कॉमेडी चित्रपट बघायला आवडतात, त्यामुळे या चित्रपटाला प्रतिसाद मिळेल असा निर्माते ढिलीन मेहता यांना विश्वास आहे.

गेल्या काही महिन्यांपासून हवा होत असलेला मधुर भांडारकर यांचा 'फॅशन' हा चित्रपटही याचदिवशी प्रदर्शित होत आहे. या चित्रपटात प्रियांका चोप्रा आणि कंगना रानावतबरोबर मुग्धा गोडसे हा नवा मॉडेलिंगमधला चेहरा दिसणार आहे. मधुर भांडारकर यांनी या चित्रपटाचा जोरदार प्रचार केला आहे. मोठा गाजावाजा होऊन प्रदर्शित होणारा त्यांचा हा पहिलाच चित्रपट आहे.

IFM

IFM

'हीरोज़' आणि 'रोडसाइड रोमियो' हे चित्रपट देखील दिवाळी संपताच प्रदर्शित होणार आहेत. कमर्शिअल दृष्टिकोनातून हे चित्रपट मागे आहेत. या चित्रपटांमध्ये दम असेल तर त्यावेळेला इतर चित्रपट नसल्याने हे चित्रपट चालू शकतील. 'हीरोज़' मध्ये सलमान, सनी, बॉबी, प्रीती झिंटा सारखे कलाकार आहेत. समीर कर्णिक यांनी दिग्दर्शक केले आहे.

दिवाळीत यशराज फिल्म्सने प्रदर्शित केलेले चित्रपट हिट झाले आहेत. यावेळेला त्यांचा 'रोडसाइड रोमियो' हा चित्रपट प्रदर्शित होत आहे. डिज्नी स्टुडियोच्या मदतीने त्यांनी हा चित्रपट केला आहे. तांत्रिकदृष्ट्या सक्षम असणारा हा चित्रपट एनिमेटेड आहे. मात्र, प्रेक्षक पैसे खर्च करून एनिमेशन चित्रपट बघतील का? हा प्रश्न आहे.

• वेबदुनिया वर वाचा :
• मराठी ज्योतिष
• लाईफस्टाईल
• बॉलीवूड
• मराठी बातम्या