- मनोरंजन
» - बॉलीवूड
» - आगामी चित्रपट
रामगोपाल वर्मा की आग
निर्माता : रामगोपाल वर्मादिग्दर्शक : रामगोपाल वर्माकलाकार : अमिताभ बच्चन, मोहनलाल, अजय देवगन, सुष्मिता सेन, निशा कोठारी, प्रशांत राजमुंबईतील रेल्वे स्टेशनवर ट्रेन धडधडत येऊन थांबते. दोन तरूण प्लॅटफॉर्मवर पाय ठेवतात. आजपर्यंत डोळ्यात साठवलेल्या स्वप्नांच्या पूर्ततेसाठी ते पहिल्यांदाच स्वप्ननगरी मुंबापुरीत पाय ठेवत असतात. दोघांचेही ध्येय निश्चित आहे. त्यांच्यातील मैत्री व परस्परांवरील विश्वास इतरांसाठी आदर्शवत आहेत. हिरेंद्र चव्हाण ( अजय देवगण ) व राज रानडे ( प्रशांत राज ) परस्परांच्या संगतीतच लहानाचे मोठे झाले आहेत.दोघेही सुख-दु:ख, यशापयशांना धीरोदात्तपणे सामोरे गेले
आहेत. शहरात आगमनानंतर आठवडाभरात त्यांची परिचित असलेल्या सूरमाशी (राजपाल यादव ) भेट होते. तो दोघांनाही शामभूल सेठकडे नोकरी मिळवून देतो. शामभूल सेठ गुन्हेगारी जगतातील मोठा गुंड असतो. यादरम्यान त्यांचा पोलिस अधिकारी नरसिह (मोहनलाल) यांच्याशी संपर्क येतो. पोलिस अधिकारी शामभूलच्या काळ्या धंदयाविषयी माहिती देवून त्यांना सतर्क करतो. नरसिह त्यांना शामभूलला अटक करण्यासाठी मदतीचे आवाहन करतो. दोघेही साहस, व शौर्य दाखवत शामभूलला पकडून देतात मात्र यादरम्यान पोलिस खटल्यात फसल्याने त्यांना तुरूंगात जावे लागते. चित्रपटाची उत्सुकता शिगेला पोहचली असतानाच बब्बन (अमिताभ बच्चन) अवतरतो. तो एक खतरनाक गुन्हेगार आहे. त्याच्यापर्यंत कोणीही पोहचू शकत नाही.
तसा प्रयत्न करणार्यास आपल्या प्राणास मुकावे लागते. एवढी त्याची दहशत आहे. आव्हानांशी खेळणे त्याच्या डाव्या हातचा खेळ आहे. पोलिस अधिकारी नरसिहसमोर कुख्यात गुन्हेगार बब्बनला पकडण्याचे आव्हान असते. राज व हिरूच्या मदतीशिवाय ते शक्य नाही, याची त्यास खात्री पटते. आता नरसिहचे ध्येय या दोघांचे लक्ष्य बनते. बब्बनसमोर त्यांचा टिकाव लागु शकतो? नरसिह, हिरू व राजचे त्रिकूट आपली मोहिम फत्ते करते? या प्रश्नांची उत्तरे रामगोपाल वर्मा की आग मध्ये मिळतील.
