पॅरिस हिल्टनने जिंकला जॅकपॉट!

Publish: Mon, 20 Feb 2012 (15:38 IST) Updated: Mon, 20 Feb 2012 (15:38 IST)

PR

नानाविध विचित्र कृत्यांमुळे नेहमीच चर्चेत राहाणार्‍या पॅरिस हिल्टनचे भाग्य पुन्हा एकदा फळफळले आहे. हिल्टनने यंदा तिचा वाढदिवस लागवेगास शहरात साजरा करत तब्बल तीस हजार डॉलर्सचा जॅकपॉट ‍‍ जिंकला. शुक्रवारी आपल्या कुटुंबियांसोबत वाढदिवसाचा औपचारिक समारंभ साजरा केल्यानंतर हिल्टन शहरातील एका नामांकित कॅसिनोमध्ये गेली होती. तेथे तिने धोका पत्करून हजारो डॉलर्सचा जॅकपॉट खेळला.

नेमके याचवेळी नशीब देखील पॅरिसच्या मदतीला धावून आल्याने तिने हा हजारो रुपयांचा जॅकपॉट सहज जिंकला. ही बातमी जेव्हा ब्रिटनमधील माध्यमांपर्यंत पोहोचली तेव्हा माध्यमप्रतिनीधींनी पॅरिसची प्रतिक्रिया घेण्यासाठी कॅसिनोहाऊसबाहेर एकच गर्दी केली होती. यावत तिनेही माध्यमांशी जास्त बोलणे टाळले. मी बर्थडे गर्ल असल्यानेच मला हा जॅकपॉट जिंकता आला, अशी सूचक प्रतिक्रिया देत तिने येथून काढता पाय घेतला.