जगातील पहिल्या AI मंत्री गर्भवती, ८३ मुलांची आई होणार; अल्बेनियाच्या पंतप्रधानांनी केली धक्कादायक घोषणा

नवीन एआय प्रणालीचे वर्णन करताना पंतप्रधान म्हणाले, "समजा एखादा खासदार संसदेच्या अधिवेशनादरम्यान चहा पिण्यासाठी बाहेर गेला आणि परतण्यास उशिरा आला, तर डायनाची मुले खासदाराला त्यांच्या कामावर परतण्याची आठवण करून देतील." शिवाय, डायनाची मुले सरकारला विरोधी नेत्यांबद्दल प्रश्न विचारतील.

एआय मंत्री डिएला कोण आहेत?

खरं तर, अल्बेनियाने एआय तंत्रज्ञानाच्या क्षेत्रात अमेरिका आणि चीनसारख्या विकसित देशांनाही जे साध्य करता आले नाही ते साध्य केले आहे. डिएला ही जगातील पहिली एआय मंत्री आहे, ज्यांना भ्रष्टाचार निर्मूलन करण्याचे काम सोपवण्यात आले आहे. पंतप्रधान रामा यांनी सांगितले की डिएला भ्रष्टाचार पूर्णपणे नष्ट करण्यासाठी सार्वजनिक निधी प्रकल्प आणि सरकारी निविदांचे निरीक्षण करतील. रामा यांनी वचन दिले की "आमचे सर्व सार्वजनिक निविदा १००% भ्रष्टाचारमुक्त असतील."

सरकारी निविदांमधील भ्रष्टाचार घोटाळे अल्बेनियामध्ये फार पूर्वीपासून एक प्रमुख समस्या आहे. ही एआय प्रणाली प्रत्येक कंपनीच्या बोलीचे पुनरावलोकन करेल, मानवी हस्तक्षेप आणि लाचखोरी, धमक्या किंवा पक्षपातीपणा यासारखे धोके दूर करेल. २०३० पर्यंत युरोपियन युनियनमध्ये सामील होण्याच्या अल्बेनियाच्या महत्त्वाकांक्षेसाठी या क्षेत्रात सुधारणा करणे देखील महत्त्वाचे आहे.