कीवमध्ये रशियन क्षेपणास्त्र हल्ल्यात एक ठार, हवाई दलाने 12 क्रूझ पाडले
युक्रेनच्या हवाई दलाने शनिवारी रशियाने डागलेल्या 20 हून अधिक क्रूझ क्षेपणास्त्रांपैकी 12 नष्ट केले. ही माहिती युक्रेनियन मीडिया प्रकाशन द कीव इंडिपेंडंटने दिली आहे. युक्रेनचे कमांडर-इन-चीफ व्हॅलेरी झालुझली यांनी सांगितले की, क्रूझ क्षेपणास्त्रांच्या हल्ल्यात एकाचा मृत्यू झाला, तर 28 जण जखमी झाले. लष्करी कमांडरने सांगितले की हवाई दलाने कीव ओब्लास्टमध्ये सहा रशियन क्षेपणास्त्रे, पाच उत्तर झिटोमिर ओब्लास्टमध्ये आणि एक पश्चिम खमेलनित्स्की ओब्लास्टमध्ये पाडली.
रशियाकडून झालेल्या हल्ल्यात कीवमध्ये एकाचा मृत्यू झाला, तर युक्रेनमध्ये किमान २८ जण जखमी झाले. रशियाकडून डागण्यात आलेली क्षेपणास्त्रे दक्षिण, पूर्व आणि पश्चिमेकडील नागरी भागात आदळल्याचा दावा युक्रेनियन माध्यमांनी केला आहे.
Edited By - Priya Dixit
