एअर इंडियाच्या विमानाला बॉम्बची धमकी; आपत्कालीन लँडिंग
थायलंडमधील एअर इंडियाच्या विमानाला बॉम्बची धमकी मिळाल्यानंतर आपत्कालीन लँडिंग करावे लागले आहे. विमानात १५६ लोक होते.
मिळालेल्या माहितीनुसार एअर इंडियाच्या विमानाला बॉम्बची धमकी मिळाल्यानंतर आपत्कालीन लँडिंग करावे लागले आहे. विमानात १५६ लोक होते. ही घटना थायलंडच्या फुकेत शहरात घडली. एअर इंडियाच्या विमानासोबत दोन दिवसांत ही दुसरी मोठी घटना आहे. माहितीनुसार, एअर इंडियाच्या विमान एआय ३७९ ने भारतीय वेळेनुसार सकाळी ९:३० वाजता फुकेत विमानतळावरून उड्डाण केले. विमानाने उड्डाण केल्यानंतर काही वेळातच विमानात बॉम्ब असल्याची माहिती मिळाली. त्यानंतर, वैमानिकाने अंदमान समुद्रावर एक मोठा फेरा मारला आणि विमानाला फुकेत विमानतळाकडे परत वळवले आणि विमानाचे सुरक्षित आपत्कालीन लँडिंग केले. त्यानंतर, विमानातील सर्व प्रवाशांना आणि क्रू मेंबर्सना सुरक्षितपणे बाहेर काढण्यात आले.
विमानतळावर तैनात असलेल्या एका अधिकाऱ्याने सांगितले की, बॉम्बची माहिती मिळताच, फुकेत विमानतळाने ताबडतोब एअरपोर्ट कंटिंजन्सी प्लॅन (एसीपी) सक्रिय केला. अधिकाऱ्यांनी सांगितले की, धमकीला गांभीर्याने घेत, सर्व आवश्यक सुरक्षा उपाययोजना करण्यात आल्या आहे.
Edited By- Dhanashri Naik
