संबंधित माहिती
- इस्त्राईलच्या हैफामध्ये चाकू हल्ल्यात एकाचा मृत्यू, चार जण जखमी
- पक्षी धडकल्यानंतर फेडेक्स विमानाचे आपत्कालीन लँडिंग
- पोप फ्रान्सिस यांच्या प्रकृतीत सुधारणा, व्हेंटिलेटर काढले
- विद्यार्थ्यांना गणितात प्रवीण बनवण्यासाठी मोफत योजना सुरू करणार ब्रिटनचे माजी पंतप्रधान ऋषी सुनक यांची मोठी घोषणा
- चीनमध्ये 200फूट खोल नदीत जहाज आणि बोटची धड़क 11 जणांचा मृत्यू
जर्मनीतील मॅनहाइममध्ये कार्निव्हल परेड दरम्यान गर्दीवर कार घुसली; दोघांचा मृत्यू
जर्मन शहरात मॅनहाइममध्ये, कार चालवणाऱ्या एका व्यक्तीने कार्निव्हल परेडमध्ये आपले वाहन घुसवले. सोमवारी पश्चिम जर्मनीमध्ये झालेल्या घटनेत दोन जणांचा मृत्यू झाला आणि काही जण जखमी झाले, असे पोलिसांनी सांगितले. एका संशयित हल्लेखोराला ताब्यात घेण्यात आले आहे. पोलिसांनी स्थानिक लोकांना त्यांच्या घरातच राहण्याचे आणि घटनास्थळापासून दूर राहण्याचे आवाहन केले आहे. पोलिसांनी हल्ल्याबद्दल किंवा घटनेबद्दल सविस्तर माहिती दिलेली नाही.
पोलिस प्रवक्ते स्टीफन विल्हेल्म यांनी एका दूरचित्रवाणी वाहिनीला सांगितले की, ही घटना सोमवारी दुपारी 12:15 वाजता मॅनहाइम शहराच्या मध्यवर्ती भागातील पॅराडेप्लॅट्झ परिसरात घडली. मोठ्या संख्येने पोलिस बंदोबस्त तैनात करण्यात आला होता. घटनेच्या स्वरूपाबद्दल अधिक माहिती देण्यास त्यांनी नकार दिला.
शहराच्या मध्यभागी मोठ्या संख्येने कायदा अंमलबजावणी संस्था आणि सुरक्षा दल का तैनात करण्यात आले होते हे पोलिसांनी अद्याप उघड केलेले नाही. या घटनेमुळे लोकांचे जीवन धोक्यात येऊ शकते, असे प्रवक्त्याने सांगितले. मॅनहाइमची लोकसंख्या 3,26,000 आहे. हे ठिकाण फ्रँकफर्टच्या दक्षिणेस अंदाजे 85 किलोमीटर (52 मैल) अंतरावर आहे.
Edited By - Priya Dixit
