थायलंडमधील दक्षिण प्रांतात सुरक्षा चौकीवर हल्ला, पाच सैनिक ठार
थायलंडच्या दक्षिणेकडील नराथिवत प्रांतातील एका सुरक्षा चौकीवर झालेल्या मोठ्या दहशतवादी हल्ल्यात पाच सैनिक ठार झाले. हल्लेखोरांनी प्रथम सुरक्षा चौकीवर गोळीबार केला आणि नंतर पाईप बॉम्ब फेकून हल्ला केला. या घटनेनंतर, सुरक्षा दलांनी संपूर्ण परिसरात शोधमोहीम सुरू केली असून ते हल्लेखोरांचा शोध घेत आहेत.
थायलंडच्या रॉयल आर्मीच्या अंतर्गत सुरक्षा कार्य संचालन कमांड (ISOC) नुसार, हा हल्ला २२ जुलै रोजी संध्याकाळी नराथिवत प्रांतातील रा-न्गे जिल्ह्यातील बुकेह सामी चौकीवर झाला. त्यावेळी, ४५ व्या रेंजर फोर्स रेजिमेंटचे सैनिक सुरक्षा कर्तव्यावर होते. त्याच वेळी, सशस्त्र हल्लेखोरांनी अचानक हल्ला केला.या हल्ल्यात पाच जवान शहीद झाले.
सर्व शहीद जवानांना आदरांजली वाहताना आयएसओसीने म्हटले की, त्यांनी दक्षिण सीमावर्ती भागातील लोकांच्या सुरक्षेसाठी सर्वोच्च बलिदान दिले आहे.
हल्ल्यानंतर, सुरक्षा यंत्रणांनी हल्लेखोरांचा
शोध सुरू केला . तपासादरम्यान, अधिकाऱ्यांना सी सखोन जिल्ह्यात हल्ल्यात वापरल्याचा संशय असलेले एक वाहन सापडले. अधिकाऱ्यांच्या म्हणण्यानुसार, हल्लेखोरांनी पुरावा नष्ट करण्यासाठी वाहनाला आग लावली. न्यायवैद्यक पथकांनी हल्ल्याच्या ठिकाणाहून आणि जप्त केलेल्या वाहनातून पुरावे गोळा केले आहेत. हल्लेखोरांना ओळख पटवून अटक करण्याचे प्रयत्न सुरू आहेत.
आयएसओसीने सांगितले की, लष्कर, पोलीस आणि इतर सुरक्षा यंत्रणा संयुक्तपणे आरोपींचा शोध घेत आहेत. तसेच, सामान्य लोकांच्या सुरक्षेची खात्री करण्यासाठी परिसरात सुरक्षा व्यवस्था कडक करण्यात आली आहे. अधिकाऱ्यांनी आश्वासन दिले आहे की, हल्लेखोरांना लवकरच अटक करून त्यांना न्यायासमोर आणले जाईल
Edited By - Priya Dixit
