अमेरिकेत भारतीय अभियंत्याची गोळी झाडून हत्या

श्रीनिवास कुचिभोतला असे मृत भारतीय अभियंत्याचे नाव आहे. तो अमेरिकेतील एका एव्हिएशन कंपनीत कामाला होता. त्याच्या जखमी सहकाऱ्याचे नाव आलोक मदासनी आहे. आरोपीची ओळख पटली असून ऍडम प्यूरिंटन असे त्याचे नाव आहे. प्यूरिंटन हा अमेरिकन नौदलाचा माजी कर्मचारी आहे. ही घटना बुधवारी सांयकाळी 7.15 च्या सुमारास घडली. परराष्ट्र मंत्री सुषमा स्वराज यांनी अभियंत्याच्या मृत्यूवर शोक व्यक्त केला आहे.