इराणने तीन देशांमधील अमेरिकन लष्करी तळांवर क्षेपणास्त्रे डागली
सोमवारी रात्री इराणने आपल्या अणु तळांवर झालेल्या हल्ल्याचा बदला घेण्यासाठी कतारमधील अमेरिकेच्या अल-उदेद लष्करी तळावर क्षेपणास्त्रे डागली. मीडिया रिपोर्ट्सनुसार, कतारची राजधानी दोहामध्ये अनेक स्फोटांचे आवाज ऐकू आले. दोहा व्यतिरिक्त, इराणने इराक आणि सीरियामधील अमेरिकेच्या लष्करी तळांनाही लक्ष्य केले आहे.
अमेरिकेचे पश्चिम आशियात अनेक लष्करी तळ आहेत. त्यापैकी सर्वात महत्त्वाचे तळ कुवेत, बहरीन, कतार आणि संयुक्त अरब अमिराती (UAE) मध्ये आहेत. हे सर्व देश इराणपासून अगदी पर्शियन आखाताच्या पलीकडे आहेत. सोमवारी रात्री इराणने कतार, सीरिया आणि इराकमधील अमेरिकन तळांवर अनेक क्षेपणास्त्रे डागली.
अमेरिकेचा पश्चिम आशियातील सर्वात मोठा लष्करी तळ 1996 मध्ये स्थापन करण्यात आला. हा तळ 60 एकर क्षेत्रात पसरलेला आहे आणि येथे एकाच वेळी 100विमाने पार्क करता येतात. या तळात सुमारे 10 हजार सैनिक देखील तैनात आहेत, जे यूएस सेंट्रल कमांड (CENTCOM) चा भाग आहेत आणि इराक, सीरिया आणि अफगाणिस्तानमधील अमेरिकेच्या लष्करी कारवायांचा कणा राहिले आहेत.
इराणने या तळाला लक्ष्य करण्याचा प्रयत्न केला आहे. तथापि, या हल्ल्याबाबत कतारचे म्हणणे आहे की त्यांनी सर्व क्षेपणास्त्रे रोखली आहेत. कतारच्या परराष्ट्र मंत्रालयाच्या म्हणण्यानुसार, 10 पैकी 9 क्षेपणास्त्रे नष्ट करण्यात आली आहेत. तर एक क्षेपणास्त्र मोकळ्या जागेत पडले आहे. या हल्ल्यांमध्ये कोणतीही जीवितहानी झाली नसल्याचे कतारने म्हटले आहे.
Edited By - Priya Dixit
