Nepal: पोखरा विमानतळावर उड्डाण घेतल्यानंतर विमानाचा तोल गेला, सात मिनिटांत इमर्जन्सी लँडिंग

नेपाळमधील पोखरा विमानतळावरून उड्डाण केल्यानंतर सात मिनिटांत विमानाचे आपत्कालीन लँडिंग करण्यात आले. विमानाने मस्टंगसाठी उड्डाण केले होते, परंतु काही वेळातच पायलटला काहीतरी गडबड जाणवली, ज्यामुळे त्याचे इमर्जन्सी लँडिंग करण्यात आले. विमान सुरक्षितपणे उतरले आहे. सध्या या घटनेचे कारण शोधले जात आहे. सर्व प्रवाशांची प्रकृती उत्तम आहे. एएनआय या वृत्तसंस्थेने विमानतळ अधिकाऱ्याच्या हवाल्याने ही माहिती दिली आहे.

मे महिन्याच्या सुरुवातीला तारा एअरचे विमान खराब हवामानामुळे नेपाळच्या डोंगराळ मुस्तांग जिल्ह्यात कोसळले होते. या घटनेत 22 जणांचा दुर्दैवी मृत्यू झाला. खराब हवामानामुळे विमान डावीऐवजी उजवीकडे वळल्याचे अधिकाऱ्यांनी सांगितले. यामुळे विमान डोंगरावर जाऊन कोसळले.