Daily Horoscope
✕

चीनमध्ये आलाय चिचुंद्रीपासून पसरणारा नवा व्हायरस

Updated: शुक्रवार, 12 ऑगस्ट 2022 (10:09 IST)
 
चीनमध्ये आढळलेल्या लांग्या विषाणू संसर्गाच्या 35 प्रकरणांपैकी, 26 रुग्णांचे तपशीलवार विश्लेषण करण्यात आले आहे. यात सर्व रुग्णांना ताप आल्याचं दिसून आलं. या विषाणूची लागण झालेल्या 54 टक्के रुग्णांमध्ये थकवा, 50 टक्के मध्ये खोकला, 50 टक्के डोकेदुखी, 35 टक्के उलट्यांची तक्रार नोंदवण्यात आली आहे. याव्यतिरिक्त किमान 35 टक्के रुग्णांना यकृत आणि 8 टक्के रुग्णांना किडनीचा त्रास जाणवला आहे.
 
या विषाणूमुळे अद्याप कोणाचाही मृत्यू झाला नसल्याचे तज्ज्ञांचे म्हणणे आहे.
 
बीबीसीने मुलाखत घेतलेल्या तज्ज्ञांच्या मते, "नवा विषाणू आढळून आलाय याचा अर्थ असा नाही की, आता जगभरात याची साथ येणार आहे. पण या विषाणूचं स्वरूप गंभीर आहे. कारण या गटातील इतर विषाणूंचा यापूर्वीही उद्रेक झाला असून आशिया आणि ओशनिया मध्ये मोठ्या प्रमाणावर संक्रमण झालं होतं."
 
'हॉट स्पॉट नाही'
हेन्ड्रा हेनिपाव्हायरस (HeV) आणि निपाह हेनिपाव्हायरस (NiV) हे विषाणूसुद्धा लांग्या हेनिपाव्हायरस( LayV) गटात मोडणारे आहेत. यूएस सेंटर्स फॉर डिसीज कंट्रोलच्या म्हणण्यानुसार, हेन्ड्रा विषाणूचं संक्रमण तसं दुर्मिळ आहे. मात्र मृत्यूदर 57 टक्क्यांच्या आसपास आहे.
 
निपाहच्या बाबतीत बोलायचं झाल्यास 1998 ते 2018 दरम्यान या उद्रेकांमुळे जे संक्रमित झाले होते त्यांच्यातील मृत्यूदराचं प्रमाण 40 ते 70% दरम्यान होतं. दोन्ही विषाणूंमुळे श्वसन आणि न्यूरोलॉजिकल समस्या उद्भवतात.
 
भारतात 2018 मध्ये निपाहचा सर्वांत गंभीर उद्रेक झाला होता. यात केरळ राज्यात संसर्गाची 19 प्रकरण समोर आली होती. या प्रकरणांपैकी 17 मृत्यू झाले होते.
 
संशोधनाच्या वेगवेगळ्या पद्धती तसेच अनेक देशांनी पुरवलेल्या वेगवेगळ्या आकडेवारीमुळे या मृत्यूदरांची कोव्हिडच्या मृत्यूदराशी तुलना करणं तसं कठीण आहे. पण कोरोना व्हायरसपेक्षा हेन्ड्रा आणि निपाह विषाणूची प्राणघातकता जास्त होती. कोरोना विषाणूचा पहिला उद्रेक डिसेंबर 2019 मध्ये चीनमध्ये झाला होता.
 
साओ पाउलो विद्यापीठातील इमर्जिंग व्हायरसवर संशोधन करणारे प्राध्यापक जानसेन डी अरोजो यांच्या मते, लांग्या विषाणूच्या शोधामुळे नवा साथरोग येण्याच्या शक्यता तशी कमी आहे. तसेच संशोधन अहवालात नमूद करण्यात आलेले संक्रमित रुग्ण हे दीर्घ कालावधीतील आहे.
 
डी. अरोजो पुढे सांगतात, "कोरोना विषाणूमुळे ज्या प्रकारे हॉटस्पॉट तयार झाले होते तसे हॉटस्पॉट लांग्या संक्रमित रुग्णांमुळे तयार झालेले दिसत नाहीत."
 
यूकेमधील युनिव्हर्सिटी ऑफ रीडिंगमधील व्हायरोलॉजीचे प्राध्यापक इयान जोन्स सांगतात की, लांग्या विषाणू एका व्यक्तीकडून दुसऱ्या व्यक्तीकडे संक्रमित झाल्याची अजूनपर्यंत तरी नोंद नाहीये.
 
अजून तरी म्युटेशन दिसलेलं नाही
इयान जोन्स बीबीसीशी बोलताना सांगतात, "यात महत्त्वाचं काय असेल तर, हेन्ड्रा आणि निपाह हे साथरोग विषाणू नाहीत. कोव्हिडची जशी साथ आली होती तशी या विषाणूंची साथ येत नाही. तसेच या विषाणूमध्ये अजून तरी कोणत्याही प्रकारचं म्युटेशन आढळलेलं नाही. म्हणजेच या विषाणूंचा नवा व्हेरियंट येत नाही."
 
पण असं असलं तरी लांग्या विषाणूच्या नव्या संक्रमणावर लक्ष ठेवणे आवश्यक असल्याचं तज्ज्ञांच म्हणणं आहे.
 
सर्व संक्रमित रुग्ण हे चीनमधील शेडोंग आणि हेनान प्रांतातील रहिवासी आहेत. या रुग्णांचा एकमेकांशी जवळचा संपर्क नव्हता. संशोधकांनी नऊ रुग्ण आणि त्यांच्या नातेवाईकांची लांग्या विषाणूची चाचणी केली असता कुटुंबात एकही संसर्ग आढळला नाही.
 
संक्रमित झालेल्यांपैकी निम्म्याहून अधिक शेतकरी आहेत हे लक्षात घेता, हा विषाणू प्राण्यांच्या संपर्कातून लोकांपर्यंत पोहोचल्याचा निष्कर्ष या अहवालात काढण्यात आलाय.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

आलिया भट्ट, आर्यन खान ते वैभव सूर्यवंशी, TIME100 नेक्स्ट इंडियाची पहिली यादी जाहीर झाली

LIVE: मुंबईतील मुसाफिरखाना मशिदीवर बुलडोझर चालवण्याच्या कारवाईला स्थगिती

नागपुरात कार दुभाजकावर आदळून पुलावरून थेट नाल्यात कोसळली; २९ वर्षीय तरुणाचा मृत्यू

महाराष्ट्राच्या ऊसदराचा कर्नाटकला फटका; सीमाभागातील ऊस महाराष्ट्राकडे

पैशांसाठी माणुसकी मेली; ४ वर्षांच्या चिमुकल्याची हत्या करून अवयव काढले, ऑनलाइन विकण्याचा प्रयत्न

पुढील लेख