पाक पुरवतो दहशतवाद्यांना पैसे!

सीमेपलीकडून दहशतवादाला आर्थिक पुरवठा करण्यात येत असल्याच्या अरोपांबाबत तपास करीत असताना काही नवीन सूत्रांकडून या बाबतची माहिती मिळाली. या तपासाशी संबंधित एका ‍वरिष्ठ अधिकार्‍याने सांगितले की, फळे, सुका मेवा आणि खाद्य पदार्थांची विक्री आणि निर्यात यासंबंधी माहिती देणार्‍या काही पाकिस्तानी संकेतस्थळांनी दहशतवादाला होणार्‍या अर्थपुरवड्यासंबंधी तपासामध्ये सहकार्य केले आहे. 

यासंबंधीची कार्यपद्धती आम्हाला लक्षात आली असून, त्यानुसा पाकिस्तानातून एखादा अन्नपदार्थ त्याच्या बाजारातील मूळ किंमतीपेक्षा अत्यंत कमी किमतीत भारतात आयात केला जातो, आणि तो येथे चढ्या भावाने विक्री केली जाते. किमतीतील मोठ्या फरकामुळे मिळालेल्या नफ्याचा पैसा जम्मू- काश्मीरमधील दहशतवादी कारवायांना मदत करण्यासाठी ठेवला जातो, असे अधिकर्‍यांनी सांगितले.

बेकायदेशीर कारवाई प्रतिबंधक कायद्यानुसार डिसेंबर 2016 मध्ये एक तक्रार दाखल केली गेली होती. सीमेपलीकडून व्यापारी मार्गान दहशतवादाला अर्थपुरवठा करण्यात येत असल्यासंदर्भात तपास करण्यासाठी ही तक्रार नोंदविण्यात आली होती. त्याच्या तपासातून ही बाब समोर आली आहे.