संबंधित माहिती
- घानामध्ये हेलिकॉप्टर अपघात, २ मंत्र्यांसह ८ जणांचा मृत्यू
- राष्ट्राध्यक्ष डोनाल्ड ट्रम्प यांची 24 तासांत टॅरिफ वाढवण्याची भारताला धमकी
- पाकिस्तानमध्ये पूर आणि पावसामुळे कहर, आतापर्यंत 299 जणांचा मृत्यू
- न्यूझीलंडमध्ये २ वर्षांची मुलगी सुटकेसमध्ये आढळली; महिलेला अटक
- 30 वर्षांपूर्वी गोठवलेल्या गर्भातून जन्माला आले निरोगी बाळ,अनोखा विक्रम झाला
ट्रम्प यांची भारताला धमकी, म्हणाले- आजून बरेच काही पाहयचे आहे
अमेरिका आजपासून भारतासह अनेक देशांमध्ये नवीन टॅरिफ दर लागू करणार आहे. अमेरिकेने भारतावर २५ टक्के टॅरिफची घोषणा केली आहे. यासोबतच अमेरिकेचे अध्यक्ष डोनाल्ड ट्रम्प यांनी भारतावर इतर अनेक निर्बंध लादण्याचा इशाराही दिला आहे. ते म्हणाले की 'टॅरिफ व्यतिरिक्त, भारतावरही काही इतर निर्बंध लादण्यात आले आहेत. त्यांनी इशारा दिला की आता तर थोडाच वेळ गेला आहे, येणाऱ्या काळात बरेच काही दिसेल.
बरेच काही बघावे लागणार
डोनाल्ड ट्रम्प यांनी व्हाईट हाऊसमध्ये पत्रकार परिषदेत भारताला एक नवीन इशारा दिला. एएनआयच्या वृत्तानुसार, ट्रम्प यांना हा प्रश्न विचारण्यात आला की इतर देश देखील रशियाकडून तेल खरेदी करत आहेत, मग ते भारतावर इतके लक्ष का केंद्रित करत आहेत? यावर ट्रम्प म्हणाले की 'फक्त ८ तास झाले आहेत. नवीन निर्बंधांसह भविष्यात बरेच काही दिसेल. येणाऱ्या काळात काय होते ते पाहूया.
चीनवरही निर्बंध लादले जातील
अलीकडेच असा प्रश्न उपस्थित करण्यात आला होता की, ट्रम्प फक्त भारतावरच तेल खरेदी करण्याबाबत प्रश्न का उपस्थित करत आहेत, तर चीन भारतापेक्षा रशियाकडून जास्त तेल खरेदी करतो. डोनाल्ड ट्रम्प यांनी चीनबद्दल असेही संकेत दिले की, टॅरिफ व्यतिरिक्त, आपण भारताप्रमाणेच त्याच्यावरही निर्बंध लादू शकतो. खरं तर, रशियाकडून तेल खरेदी करणाऱ्या भारताबद्दल ट्रम्प म्हणतात की त्यांचा हा व्यवसाय अमेरिकेसाठी कोणत्या ना कोणत्या प्रकारे धोका निर्माण करत आहे.
भारताला ५० टक्के टॅरिफ भरावा लागेल
डोनाल्ड ट्रम्प यांनी आधीच भारतावर २४ टक्के टॅरिफ जाहीर केला आहे. यासाठी त्यांनी पुन्हा २५ टक्के टॅरिफ लावण्याच्या आदेशावर स्वाक्षरी केली आहे. आता ७ ऑगस्टपासून भारतावर २५ टक्के टॅरिफ लावला जाईल. त्याच वेळी, उर्वरित २५ टक्के टॅरिफ २१ दिवसांनी लादला जाईल.
