RR vs SRH : हैदराबादने शेवटच्या चेंडूवर राजस्थानचा एका धावेने पराभव करून विजय मिळवला

टेबलमध्ये अव्वल स्थानावर असलेल्या राजस्थान रॉयल्सचा सामना IPL इतिहासात सर्वाधिक धावा करणाऱ्या सनरायझर्स हैदराबादशी झाला. दोन्ही संघांमधील हा सामना राजीव गांधी आंतरराष्ट्रीय स्टेडियमवर खेळला गेला. हैदराबादसाठी भुवनेश्वर कुमारने चमकदार कामगिरी केली, त्याच्या जोरावर संघ दोन गुण मिळवण्यात यशस्वी ठरला, तर राजस्थानची प्लेऑफमध्ये पोहोचण्याची प्रतीक्षा वाढली. 

भुवनेश्वर कुमारच्या शानदार गोलंदाजीच्या जोरावर सनरायझर्स हैदराबादने रोमहर्षक सामन्यात राजस्थान रॉयल्सचा एका धावेने पराभव केला. नितीश रेड्डीच्या नाबाद 76 धावा आणि ट्रॅव्हिस हेडच्या 58 धावांच्या जोरावर हैदराबादने 20 षटकांत तीन गडी गमावून 201 धावा केल्या. प्रत्युत्तरात, खराब सुरुवातीपासून सावरलेल्या राजस्थानला रियान परागच्या 77 धावा आणि यशस्वी जैस्वालच्या 67 धावांच्या जोरावर 20 षटकांत सात गड्यांच्या मोबदल्यात 200 धावा करता आल्या. राजस्थानला शेवटच्या चेंडूवर दोन धावांची गरज होती, मात्र भुवनेश्वरने रोव्हमन पॉवेलला बाद करत हैदराबादला विजय मिळवून दिला. या सामन्यात भुवनेश्वर कुमारने तीन विकेट घेत आपल्या संघाला विजय मिळवून देण्यात महत्त्वाची भूमिका बजावली. या विजयासह हैदराबादने दोन महत्त्वाचे गुण घेतले, तर राजस्थानची प्लेऑफमध्ये पोहोचण्याची प्रतीक्षा वाढली.  

राजस्थानचा 10 सामन्यांमधला हा दुसरा पराभव असून तो 16 गुणांसह अव्वल स्थानावर आहे. हा सामना जिंकण्यात राजस्थानला यश आले असते तर ते प्लेऑफसाठी पात्र ठरले असते, पण संघाला तसे करता आले नाही. दुसरीकडे, हैदराबाद संघ 12 गुणांसह गुणतालिकेत पहिल्या चारमध्ये पोहोचला आहे. चेन्नई सुपर किंग्ज संघ पाचव्या स्थानावर घसरला आहे. 

Edited By- Priya Dixit