Whatsapp: व्हॉट्सअॅप ने आणले नवीन फीचर्स, व्हॉईस नोट आणि रिअॅक्शनसह स्टेटस शेअर करता येणार

कंपनीने सध्या मर्यादित यूजर्ससाठी हे वैशिष्ट्य जारी केले आहे. तो लवकरच सर्व युजर्ससाठी उपलब्ध करून दिले जाणार, असा दावा केला जात आहे. नवीन फीचरमध्ये यूजर्स फोटो आणि व्हिडिओ स्टेटसप्रमाणेच व्हॉइस स्टेटस सेट करू शकतील. यासाठी यूजर्सना 30 सेकंदांपर्यंत व्हॉईस शेअर करण्याची सुविधा मिळेल. म्हणजेच या फीचर अंतर्गत यूजर्स व्हॉट्सअॅप स्टेटसवर 30 सेकंदांसाठी व्हॉइस मेसेज रेकॉर्ड आणि शेअर करू शकतील.

व्हॉट्सअॅपच्या या फीचरमुळे यूजर्स इतर यूजर्सच्या स्टेटसवर प्रतिक्रिया देऊ शकणार आहेत. युजर्स स्टेटस वरच्या दिशेने स्वाइप करून प्रतिक्रिया देऊ शकतील. वापरकर्त्यांना आठ क्विक इमोजी प्रतिक्रियांची सुविधा मिळेल. अलीकडेच कंपनीने प्रोफाइल टॅप करून स्टेटस पाहण्याची सुविधा सुरू केली आहे. म्हणजेच प्रोफाईल पिक्चर रिंगवर टॅप करून इतर यूजर्सची स्थिती पाहू शकतात. 

 कॉलिंग शॉर्टकट फीचरमध्ये यूजर्सना सिंगल टॅपवर कॉल करण्याची सुविधा मिळेल. म्हणजेच यूजर्स व्हॉट्सअॅप न उघडता कॉल करू शकतील. यूजर्सना एका टॅपमध्ये संपर्कात प्रवेश करण्याची सुविधा देखील मिळेल. म्हणजेच, यूजर्स कॉल करण्यासाठी होम स्क्रीनवर कोणत्याही एका व्यक्तीला सेट करू शकतील. सध्या, व्हॉट्सअॅप कॉलिंग अपडेट बीटा प्रोग्रामद्वारे आणले गेले आहे. व्हॉट्सअॅपच्या नवीन अपडेटनंतर हे फीचर वापरता येणार आहे. 

Edited By - Priya Dixit