सीआयडी ढंगात रंगला 'अंड्या चा फंडा' सिनेमाचा ट्रेलर लाँच सोहळा

marathi movie
धम्माल मैत्रिचा गूढ फंडा मांडणारा 'अंड्याचा फंडा' हा आगामी सिनेमा येत्या 30 जूनला प्रेक्षकांच्या भेटीला येत आहे. बालपणाच्या मैत्रीवर आधारित असलेला हा सिनेमा अध्यास क्रिएशनचे विजय शेट्टी यांची निर्मिती असून प्रशांत पुजारी आणि इंदिरा विश्वनाथ शेट्टी यांनी त्याची सहनिर्मिती केली आहे. शिवाय सी.आय.डी. आणि आहट यांसारख्या मालिकेचे कथालेखन करणारे संतोष शेट्टी यांच्या दिग्दर्शकीय नजरेतून साकारण्यात आलेला हा सिनेमा रसिकांचे खुमासदार मनोरंजन करणारा आहे. अथर्व बेडेकर, शुभम परब आणि मृणाल जाधव या तीन बालकलाकारांच्या अभिनयाची जुगलबंदी असलेल्या या सिनेमाचा नुकताच ट्रेलर लाँच करण्यात आला. या सिनेमाच्या ट्रेलर लाँचवेळी सिनेमाच्या संपूर्ण टीमसोबतच सी.आय.डी. फेम शिवाजी साटम, दयानंद शेट्टी आणि नरेंद्र गुप्ता या प्रसिद्ध तिकडींनीदेखील हजेरी लावली होती. 'अंड्या चा फंडा' या सिनेमाला प्रोत्साहन देण्यासाठी अभिनेता संजय कुलकर्णी तसेच सी.आय.डी. च्या संपूर्ण कलाकारांनी उपस्थिती लावत, कार्यक्रमात एक वेगळीच जाण आणली.
marathi movie
दोन जिवलग मित्र आणि त्यांच्या कुरापती दाखवणारा ह्या सिनेमाचा ट्रेलर प्रत्येकाला आपल्या बालमित्राची आठवण करून देणारा ठरेल, असा आहे. या सिनेमाच्या ट्रेलरमध्ये धम्माल मैत्रीबरोबरच आणखीन बरेच काही दडले असल्याचे दिसून येते. शिवाय अनेक वर्ष सिनेसृष्टीपासून दूर राहिलेली अभिनेत्री दीपा चौधरीदेखील या ट्रेलरमध्ये दिसून येते. विशेष म्हणजे यात तिची प्रमुख भूमिका असून, या चित्रपटामार्फत ती पुन्हा एकदा सिनेसृष्टीत कमबॅक करणार आहे. 'अंड्या चा फंडा' या सिनेमाचा ट्रेलर पाहताना हा सिनेमा एका गूढ कथेचा मागोवा घेत असल्याचे लक्षात येते. पण हे गूढ नेमके काय आहे ह्याचे स्पष्टीकरण मिळत नसल्याने प्रेक्षकांची उत्कंठा वाढवण्यास 'अंड्या चा फंडा' या सिनेमाचा ट्रेलर पूर्णतः यशस्वी ठरला आहे.
marathi movie
सिनेमाच्या ट्रेलरसोबतच अथर्व आणि शुभम वर आधारित असलेले 'डुबुक डुबुक' हे गाणेदेखील उपस्थित पाहुण्यांसमोर सादर करण्यात आले. अंड्या आणि फंडयाच्या अनोख्या मैत्रीची झलक या गाण्यात पाहायला मिळते. लहानपणाची निरागस मैत्री आणि मैत्रीतील निस्वार्थ प्रेम दाखवणारे हे गाणे आहे. हर्षवर्धन वावरे यांनी गायलेल्या या गाण्याचे लेखन क्षितीज पटवर्धन यांनी केले असून, त्याचे अमितराज यांनी संगीतदिग्दर्शन केले आहे.
marathi movie
दिग्दर्शक संतोष शेट्टी यांची कथा असलेल्या या सिनेमाची पटकथा आणि संवाद अंबर हडप, गणेश पंडित आणि श्रीपाद जोशी यांनी लिहिली असल्यामुळे 'अंड्या चा फंडा' या सिनेमात दर्जेदार लेखनाची गम्मतच पाहायला मिळणर आहे. लवकरच प्रदर्शित होत असलेल्या या सिनेमात अर्थव बेडेकर, शुभम परब, मृणाल जाधव या बालकलाकारांसोबतच दिपा चौधरी, सुशांत शेलार आणि अरुण नलावडे यांची देखील प्रमुख भूमिका असणार आहे.


यावर अधिक वाचा :

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय ...

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय स्थळ...
सप्तपुरींपैकी एक असलेली अयोध्या हिंदू, जैन, बौद्ध आणि शीख समुदायासाठी एक महत्त्वाचे ...

कुणकेश्वरचा इतिहास

कुणकेश्वरचा इतिहास
देवगडच्या दक्षिणेस 20 कि. मी. वर असलेले श्री क्षेत्र कुणकेश्वर निसर्गरम्य सौंदर्यस्थळ आणि ...

सफर निसर्गरम्य बूंदीची

सफर निसर्गरम्य बूंदीची
भटकंतीच्या दृष्टीने राजस्थानचं विशेष महत्त्व राहिलं आहे. राजस्थानमध्ये गेल्यावर जयपूर, ...

पलरुवी अर्थात दुधाचा धबधबा

पलरुवी अर्थात  दुधाचा धबधबा
केरळमधील सगळ्यात सुंदर धबधब्यांपैकी एक आहे, जो 300 फूट उंचावरून खाली येतो. दक्षिण ...

रामेश्वरम्: एक प्रसिद्ध तीर्थक्षेत्र

रामेश्वरम्: एक प्रसिद्ध तीर्थक्षेत्र
रामेश्वरम्, भारताच्या दक्षिण दिशेस बंगालच्या उपसागराच्या किनाऱ्यावर असणारे एक शहर. या ...

ITच्या 'सर्व्हे'वर सोनू सूद म्हणाला -' सर्वकाही सर्वांसमोर ...

ITच्या 'सर्व्हे'वर सोनू सूद म्हणाला -' सर्वकाही सर्वांसमोर आहे, ते त्यांचे काम करतील आणि मी माझे करीन '
बॉलीवूड अभिनेता सोनू सूदने त्याच्या निवासस्थानी प्राप्तिकर टीमने केलेल्या 'सर्वेक्षण' वर ...

चुकीच्या निर्णयावर शिल्पा शेट्टी म्हणाली- कितीही प्रयत्न ...

चुकीच्या निर्णयावर शिल्पा शेट्टी म्हणाली- कितीही प्रयत्न केले तरी जे निघालेली वेळ बदलता येत नाही
अश्लील चित्रपट प्रकरणात अटक झालेल्या राज कुंद्रा आणि त्यांचा साथीदार रायन थोरपे यांना दोन ...

मुंबई कोर्टाने राज कुंद्राला जामीन मंजूर केला

मुंबई कोर्टाने राज कुंद्राला जामीन मंजूर केला
बॉलीवूडची प्रसिद्ध अभिनेत्री शिल्पा शेट्टीचे पती आणि उद्योजक राज कुंद्रा यांना मुंबईतील ...

कंगना रनौतने शिवसेनेवर निशाणा साधला, म्हटले- जावेद अख्तर ...

कंगना रनौतने शिवसेनेवर निशाणा साधला, म्हटले- जावेद अख्तर यांनी पक्षाच्या दबावाखाली गुन्हा दाखल केला
गीतकार जावेद अख्तर यांनी अभिनेत्री कंगना राणावतविरोधात बदनामीचा खटला दाखल केला होता. ...

गणपतीपुळे मंदिराचा इतिहास व पर्यटन माहिती Ganpatipule ...

गणपतीपुळे मंदिराचा इतिहास व पर्यटन माहिती Ganpatipule Tourism
गणपतीपुळे हे कोकण विभागातील रत्नागिरी जिल्ह्यात वसलेले एक छोटे शहर आहे, ज्यामध्ये प्राचीन ...