ईव्हीएमच्या सुरक्षेबाबत निवडणूक आयोगाने दिले मोठे विधान

Publish: Tue, 15 Oct 2024 (18:06 IST) Updated: Tue, 15 Oct 2024 (18:11 IST)

निवडूक आयोगाने आज महाराष्ट्र आणि झारखंड विधानसभा निवडणुकीच्या तारखा जाहीर केल्या असून महाराष्ट्रात 20 नोव्हेंबरला निवडणूक होणार असून 23 नोव्हेंबरला मतमोजणी होणार आहे. महाराष्ट्रात एकाच टप्प्यात निवडणुका होणार आहेत. तर झारखंडमध्ये 13 आणि 20 नोव्हेंबरला मतदान होणार असून 23 नोव्हेंबरलाच निकाल लागणार आहे. झारखंडमध्ये दोन टप्प्यात निवडणुका होणार आहेत.या वेळी निवडणूक आयोगाने ईव्हीएम बाबत मोठे विधान केले 

ईव्हीएममध्ये कोणताही दोष नसल्याचे निवडणूक आयोगाने म्हटले आहे. ईव्हीएम पूर्णपणे सुरक्षित आहे. ईव्हीएमच्या बॅटरीवर पोलिंग एजंटची सहीही असेल. ईव्हीएम थ्री लेयर सिक्युरिटी अंतर्गत असतील. निवडणूक आयोगाने सांगितले की, ईव्हीएममध्ये एकल वापराच्या बॅटरी असतात. ईव्हीएममध्ये मोबाईलप्रमाणे बॅटरी नसतात.

 ईव्हीएममधील गैरप्रकारांबाबत विरोधकांकडून अनेकदा विधाने केली जात आहेत. अशा परिस्थितीत निवडणूक आयोगाने ईव्हीएमबाबत सर्व काही आधीच स्पष्ट केले आहे.

मुख्य निवडणूक आयुक्त राजीव कुमार म्हणाले की, महाराष्ट्रात 9 कोटी 63 लाख मतदार असतील. येथे 5 कोटी पुरुष मतदार आहेत. येथील एक लाख मतदान केंद्रावर मतदान होणार आहे. महाराष्ट्रात प्रत्येक बूथवर सुमारे 960 मतदार असतील.

महाराष्ट्रात विधानसभेच्या एकूण 288 जागा आहेत, त्यापैकी बहुमतासाठी 145 जागा आवश्यक आहेत. 2019 च्या निवडणुकीत भाजपला 105, शिवसेनेला 56, राष्ट्रवादीला 54, काँग्रेसला 44 आणि इतरांना 29 जागा मिळाल्या होत्या.

Edited By - Priya Dixit