पावसाळ्यात फॅशनेबल दिसायचे? मग या मान्सून फॅशन टिप्स नक्की फॉलो करा

पावसाळ्यात मात्र कपडा निवडताना पॉली नायलॉन, रेयॉन, नायलॉन यांना प्राधान्य द्यावे. सुती डेनिम, रंग जाणारे कापड टाळावे. मऊ सुती व पॉली फ्रॅबिक्स या सीझनसाठी सर्वोत्तम पर्याय आहे. क्रेप, शिफॉन असले कपडे पावसाळ्यासाठी उपयुक्त नाहीत हेही लक्षात ठेवावे.

कपड्यांसोबतच्या अ‍ॅक्सेसरीतील महत्त्वाची असते ती पर्स. या दिवसांत वॉटरप्रूफ बॅग्ज हव्यात. त्यामुळे आपले फोन, मेकअपचे सामान, पुस्तके, वॉलेट ओली होणार नाहीत. चपला शक्यतो पावसाळ्यासाठी खास असाव्यातच पण रंगीबेरांगी छत्री अथवा कलरफूल रेन जॅकेटस आपल्या स्टाईलला अनोखा लूक देऊ शकतात हे लक्षात ठेवावे. अर्थात त्याची निवड करताना आपली शरीरयष्टी, उंची लक्षात घेऊन करावी.

आयलायनर, फाउंडेशनचा वापर शक्यतो नको. त्याऐवजी वॉटरप्रूफ न्यूड मेकअप ट्राय करावा. त्याची सुरवात प्रायमरपासून होते. प्रायमरची शेड आपल्या रंगानुसार निवडावी. म्हणजे रंगगोरा असेल तर पीच शेड तुम्हाला जास्त तजेलदार बनवेल व चेहरा ताजातवाना दिसेल. गहू वर्णाच्या त्वचेसाठी गुलाबी रंग शोभेल. या दिवसांत जास्त डार्क शेडचा वापर टाळलेलाच बरा. ओठांसाठी ग्लॉसी लिपस्टिक व आब्रो पेन्सिलऐवजी आयब्रो जेलचा वापर करावा. 

अस्वीकरण: वेबदुनियावर औषध, आरोग्यविषयक टिप्स, योग, धर्म, ज्योतिष, इतिहास, पौराणिक कथा इत्यादी विषयांवर प्रकाशित/प्रसारित केलेले व्हिडिओ, लेख आणि बातम्या केवळ तुमच्या माहितीसाठी असून त्या विविध स्रोतांमधून घेतलेल्या आहेत. वेबदुनिया या माहितीच्या सत्यतेची पुष्टी करत नाही. आरोग्य किंवा ज्योतिषशास्त्राशी संबंधित कोणताही प्रयोग करण्यापूर्वी नेहमी तज्ञांचा सल्ला घ्या. ही सामग्री जनहितासाठी सादर केली गेली आहे 

Edited By - Priya Dixit