Marathi Biodata Maker
✕

कांद्याची भाव पडले तर शेतकरी अडचणीत मात्र सामन्य बाजारात कांदा स्वस्त

Updated: बुधवार, 7 डिसेंबर 2016 (17:24 IST)
 
हजार आणि पाचशे रुपयांच्या नोटाबंदीच्या गोंधळातून अजूनही शेतकरी बाहेर पडलेला नाही तोच कांदा दरात घसरण सुरू आहे. त्यामुळे  आर्थिक संकटात सापडलेल्या कांदा उत्पादकांपुढे प्रश्न निर्माण झाले आहे. 
उन्हाळ कांद्याला पूर्वीपासूनच दर नसल्याने अनेक शेतकऱ्यांवर कांदा फेकून देण्याची नामुष्की आली होती. लाल कांद्याला दर मिळतील अशी अपेक्षा होती. मात्र, जिल्ह्यातील विविध बाजार समित्यांमध्ये कांद्याची आवक मोठ्या प्रमाणात असल्याने आठशे रुपये प्रति क्विंटल दराने विक्री होत आहे. 
 
सरकार पातळीवर कृषिमाल नियमन मुक्तीपासून अनुदान आणि विम्यापर्यंतचे निर्णय घेतले गेले. परंतु, कांद्याच्या गडगडणाऱ्या भावात मात्र फरक पडलेला नाही. पहिलेच उन्हाळ कांद्याने शेतकऱ्यांना रडवले. त्यानंतर आता नव्या लाल कांद्याबाबत अशीच स्थिती आहे. हंगामाच्या सुरुवातीला त्याचे भाव प्रति क्विंटलला ५०० रुपयांनी घसरणे हे त्याचे निदर्शक. येत्या काळात नवीन कांद्याची मोठ्या प्रमाणात आवक वाढणार आहे. तेव्हा रोकडअभावी थंडावलेल्या बाजारात भावाची  स्थिती आणखी कोसळण्याची शक्यता आहे.
 
कांदा भावातील चढ-उतार तशी नवीन नाही. कधी उत्पादनामुळे तर कधी व्यापारी व शासनाच्या धोरणामुळे त्याचे भाव नेहमीच अस्थिर राहतात. निसर्गाचा फटका बसतो तो वेगळाच. या प्रक्रियेत कांदा दरावर प्रभाव पाडणारे घटक वेगवेगळे असले तरी परिणाम होणारा घटक मात्र एकमेव कांदा उत्पादक शेतकऱ्यावर होतो.
मिळणाऱ्या भावातून उत्पादन खर्च भरून निघणे अवघड आहे. प्रति क्विंटल कांद्याचा उत्पादन खर्च जवळपास एक हजार रुपये आहे. यामुळे नफा दूरच, उत्पादन खर्चही निघत नसल्याने कांदा उत्पादकावर पुन्हा संकट कोसळले आहे.
 
येणाऱ्या काळात नवीन कांद्याची आवक वाढणार आहे. तत्पूर्वीच त्याचे भाव उन्हाळ कांद्याप्रमाणे मार्गक्रमण करत आहेत. या कांद्याचे आयुर्मान कमी असल्याने तो साठवता येत नाही. शेतातून काढल्यावर आहे त्या भावात विकण्याशिवाय गत्यंतर नसते. परिणामी, एकाचवेळी मोठय़ा प्रमाणात माल बाजारात येणार असल्याने भाव सुधारण्याची शक्यता नाही. या परिस्थितीत नवीन कांदा पुन्हा शेतकऱ्यांनाच रडवणार असल्याचे चित्र आहे.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

LIVE: कल्याण जिल्हा न्यायालयाच्या सुमारे १८० कर्मचाऱ्यांनी अनिश्चित काळासाठी संप सुरू केला

गायीला वाचवताना अपघातात प्रसिद्ध कवयित्री जागीच ठार

मुंब्रामध्ये मिठाई खाल्ल्यानंतर पाच जण आजारी पडले तर एकाचा दुर्दैवी मृत्यू ; FDA ने मिठाईचे दुकान बंद केले

मुंबई-भुसावळ रेल्वे मार्गाला गती मिळणार! कसारा आणि मनमाड दरम्यान तिसरा आणि चौथा रेल्वे मार्ग टाकण्यात येणार

सुधारित वेतनश्रेणीच्या मागणीसाठी कल्याण न्यायालयाचे १८० कर्मचारी अनिश्चित काळासाठी संपावर गेले

पुढील लेख
Show comments