२० नोव्हेंबरपासून सुरू होणाऱ्या ४८ व्या आंतरराष्ट्रीय चित्रपट महोत्सवासाठी (इफ्फी) पॅनोरमा विभागातून निवड झालेल्या मराठी सिनेमांची संख्या लक्षणीय आहे. महोत्सवात ‘एस दुर्गा’ या मल्याळम आणि ‘न्यूड’ या मराठी सिनेमाला कोणतीही पूर्वसूचना न देता वगळण्यात आले. या निर्णयाविरोधात मराठी सिनेसृष्टी एकवटली असून जाधव यांना पाठिंबा देण्यासाठी या महोत्सवातून सर्वच मराठी सिनेमे माघार घेण्याच्या विचारात आहेत. ‘इफ्फी’मध्ये एकूण नऊ मराठी सिनेमे दाखवले जाणार आहेत.