सिनेमा आणि संगीत आई-बाबांसारखेच- नेहा महाजन

होय, बोल्ड आणि ब्युटीफुल असणारी नेहाे एक उत्कृष्ट सितारवादक देखील आहे, हे तिच्या डायहार्ट चाहत्यांना देखील माहिती नसेल. नेहाने तिच्या अभिनयाबरोबरच आपला सितारवादनाचा छंद देखील झोपसला आहे..'संगीत आणि अभिनय यामध्ये मी एकाची निवड करू शकत नाही. आपल्या आयुष्यात आई-वडिलाचे जसे स्थान असते, तेच स्थान  या दोघांचे माझ्या आयुष्यात आहे, त्यामुळे ह्या दोन्ही गोष्टी मला खूप महत्वाच्या आहेत. असे ती स्पष्ट करते. माझे बाबा म्हणजेच पंडित विदुर महाजन माझे गुरु आहेत, आणि आजही मी त्यांच्याकडून सतार वादनाचे धडे घेते, असे ती पुढे सांगते. 

येत्या सोमवारी 'चला हवा येऊ द्या' च्या होळी विशेष भागात नेहाची हि वेगळी छटा आपल्याला पाहायला मिळणार आहे. होळीच्या निमित्ताने नेहाचा हा वेगळा अंदाज तिच्या चाहत्यांसाठी विशेष ठरणार आहे.