‘समांतर’ मधून स्वप्नील जोशी आणि सतीश राजवाडे यांचे वेब सिरीजमध्ये पदार्पण

swapnil joshi
Last Modified शनिवार, 14 मार्च 2020 (15:29 IST)
कायमच आपले वेगळेपण जपणारा अभिनेता स्वप्नील जोशी अनेक हिट सिनेमे आणि टीव्ही मालिकांमध्ये झळकला आहे. हा अभिनेता आता पहिल्यांदाच ‘समांतर’ नावाच्या मराठी वेब मालिकेत दिसेल. या मालिकेची निर्मिती अर्जुन सिंग बरान आणि कार्तिक डी निशाणदार यांच्या ‘जीसिम्स’ने केली असून पहिल्यांदाच वेब सिरीज सेगमेंटकरिता भागीदारी करण्यात आली. ही वेबसिरीज ओव्हर-द-टॉप (ओटीटी) वर प्रदर्शित होणार आहे. प्रसिद्ध दिग्दर्शक सतीश राजवाडे यांनी या वेब सिरीजचे दिग्दर्शन केले आहे.
स्वप्नील जोशी आणि तेजस्विनी पंडीत यांच्या मुख्य भूमिका या सिरीजमध्ये असणार आहेत. दोन्ही कलाकारांकरिता ही अशाप्रकारची पहिली वेब सिरीज आहे. ही मालिका सुहास शिरवळकर यांच्या समान नावाच्या कादंबरीवर आधारित आहे. सध्या ही वेब सिरीज “एमएक्स प्लेयर” या क्षेत्रातील अग्रगण्य ओटीटी मंचावर उपलब्ध आहे.

‘समांतर’ ही वेब सिरीज ‘जीसिम्स’ (ग्लोबल स्पोर्ट्स एन्टरटेनमेंट अँड मीडिया सोल्यूशन्स प्रायव्हेट लिमिटेड)च्या अर्जुन सिंग बरान आणि कार्तिक डी निशाणदार यांची निर्मिती असून अनेक भाषांमध्ये यशस्वी सिनेमे देणाऱ्या या कंपनीची ‘समांतर’ ही पहिलीच वेब प्रकारातील कलाकृती ठरली आहे. मोगरा फुलला, फुगे, तुला कळणार नाही, रणांगण, विकी वेलिंगकर अशा सिनेमांची निर्मिती आजवर या कंपनीने केली. मनोरंजन क्षेत्रात सर्जनशील विषय हाताळणारे निर्माता म्हणून स्वत:चे नाव सिद्ध करणारा ‘जीसिम्स’ महाराष्ट्रातील अग्रेसर स्टुडीओ आहे. मनोरंजन उद्योगातील निर्मिती, सिने सादरीकरण, टीव्ही मालिका निर्मिती, सिनेमा विपणन आणि प्रचार तसेच सॅटेलाईट अॅग्रीगेशन असे अनेक प्रांत कंपनी हाताळते.

“साहित्यावर प्रेम करणाऱ्या मराठी प्रेक्षकांसाठी निर्माण केलेली ही आमची पहिलीच वेब सिरीज आहे. मराठीमधील अशा प्रकारच्या पहिल्याच मालिकेत क्षेत्रातील दिग्गज अभिनेते मुख्य भूमिकेत झळकणार आहेत. ही सिरीज ओटीटी मंचावर यशस्वी होईल याविषयी आम्हाला ठाम विश्वास वाटतो. अशा अनेक विषयांवर आधारित सिरीजची निर्मिती करण्याचा आमचा मानस आहे,” असे अर्जुन सिंग बरान आणि कार्तिक डी निशाणदार म्हणाले.
स्वप्नील जोशी म्हणाला की, “वेब सिरीजमध्ये पहिले पाऊल टाकताना कथानकाची निवड माझ्यासाठी खूप महत्त्वाची होती. समांतर ही मला आवडणाऱ्या कादंबऱ्यांपैकी एक असून तिचे लिखाण सुहास शिरवळकर यांनी केले आहे. काही वर्षापूर्वी शिरवळकर यांच्या साहित्यावर आधारित दुनियादारी’मध्ये माझी प्रमुख भूमिका होती. ते माझ्या आवडत्या लेखकांपैकी एक आहेत. ते धाडसी लेखक आहेत. समांतर एक अत्यंत चांगली दृश्य कलाकृती ठरणार आहे. मी समांतरचा भाग असल्याचा तसेच मला शिरवळकर यांच्या नावासोबत जोडण्याची संधी लाभली म्हणून आनंद वाटतो. दुनियादारीनंतरची ही दुसरी संधी आहे. मी श्रीमती शिरवळकर आणि त्यांच्या संपूर्ण कुटुंबियांचे आभार मानतो की, त्यांनी आम्हाला- मला, सतीश राजवाडे आणि ‘जीसिम्स’ला हा प्रकल्प करण्याची संधी दिली. त्यांनी मोठ्या विश्वासाने आमच्या खांद्यावर ही जबाबदारी दिली.”.

स्वप्नील पुढे म्हणाला की, “सतीश या पुस्तकाने भारावला, या प्रकल्पासाठी तोच एक सशक्त दिग्दर्शक आहे. मी आणि सतीश आणखी एका प्रकल्पावर एकत्र काम करत आहोत. या अद्वितीय कथेवर वेब सिरीजची निर्मिती करण्यात ‘जीसिम्स’ने मोलाची भूमिका बजावली. अतिशय दर्जेदार कलाकृती निर्माण करण्यासाठी संपूर्ण कलाकार आणि तंत्रज्ञानी मोठी मेहनत घेतली आहे. मी यामध्ये कुमार ही व्यक्तिरेखा साकारतो आहे. मी आजवर बजावलेल्या भूमिकांहून ही व्यक्तिरेखा निराळी ठरेल. एक अभिनेता म्हणून हे माझ्यासाठी आव्हान होते. प्रेक्षकांना ही वेब सिरीज नक्कीच आवडेल. ही वेब सिरीज एमएक्स प्लेयरवर येणार असून ही या क्षेत्रातील अग्रेसर कंपनी आहे. हा प्रयत्न अधिकाधिक लोकांपर्यंत पोहोचेल याविषयी मला खात्री वाटते.”


यावर अधिक वाचा :

मुलगी लाजून म्हणाली असा काय पाहतोय

मुलगी लाजून म्हणाली असा काय पाहतोय
प्रेमी एकाच प्लेटमधून शेवपुरी खात होते मुलगा तिच्या डोळ्यात एकसारखा पाहतो मुलगी लाजून ...

साराला रोहित शेट्टीचं 'गोलमाल' उत्तर

साराला रोहित शेट्टीचं 'गोलमाल' उत्तर
बॉलिवूड अभिनेत्री सारा अली खान कोणत्या ना कोणत्या कारणामुळे नेहमीच चर्चेत असते. सध्या ...

वैभव तत्त्ववादी झळकणार बॉलिवूडच्या या अभिनेत्रीसोबत

वैभव तत्त्ववादी झळकणार बॉलिवूडच्या या अभिनेत्रीसोबत
हिंदी व मराठी चित्रपटसृष्टीत आपल्या अभिनय कौशल्यानं रसिकांच्या मनावर अधिराज्य गाजविणारा ...

केटी हे वागणे मुळीच बरोबर नाही

केटी हे वागणे मुळीच बरोबर नाही
सुप्रसिद्ध हॉलिवूड सिंगर केटी पेरीने मुंबईत परफॉर्म करून भारतीय चाहत्यांची मने जिंकलीत. ...

'गर्ल्स' डे आऊट

'गर्ल्स' डे आऊट
'गर्ल्स' डे आऊट हे शीर्षक वाचल्यानंतर मनात अनेक प्रश्न निर्माण झाले असतील. 'गर्ल्स' डे ...

काय म्हणता, अक्षय सर्वाधिक कमाई करणाऱ्या सेलीब्रेटीच्या ...

काय म्हणता, अक्षय सर्वाधिक कमाई करणाऱ्या सेलीब्रेटीच्या यादीत
अभिनेता अक्षय कुमार जगातील सर्वाधिक कमाई करणाऱ्या सेलीब्रेटीच्या यादीत सामील झाला आहे. ...

आतून अमिताभ बच्चन यांचे घर 'जलसा' असे दिसत आहे, फटोंमध्ये ...

आतून अमिताभ बच्चन यांचे घर 'जलसा' असे दिसत आहे, फटोंमध्ये बघा घराचा कोपरा कोपरा
बॉलीवूडचे मेगास्टार अमिताभ बच्चन हे चित्रपट क्षेत्रातील एक प्रतिष्ठित कुटुंब आहे. बिग ...

सुहाना मॉम गौरीसोबत पावसाचा आनंद घेत आहे, व्हायरल होत आहे ...

सुहाना मॉम गौरीसोबत पावसाचा आनंद घेत आहे, व्हायरल होत आहे तिचे फोटो
शाहरुख खानची मुलगी सुहाना खान सोशल मीडियाची फेवरिट आहे. सुहानाचे फोटो नेहमीच तिच्या ...

रामायणचा टी आर पी मालिका तोडणार 'ही' मालिका ?

रामायणचा टी आर पी मालिका तोडणार 'ही' मालिका ?
सध्या देशात लॉकडाऊनमुळे पौराणिक मालिकांचे टीव्ही अर्थात छोट्या पडद्यावर पुनरागम होताना ...

"दीपिका मोठ्या मोठ्या भूमिकादेखील सहज सुंदरतेने साकारते", ...

माधुरी दीक्षित भारतीय सिनेमातील सर्वात प्रतिष्ठित अभिनेत्रींपैकी एक आहे जिने अनेक ...