अक्षर पटेलने टी-२० क्रिकेटमध्ये नवा विक्रम रचला, १०० बळी घेणारा पहिला भारतीय ठरला

अक्षर पटेलने या फॉरमॅटमध्ये ९६ बळी घेणाऱ्या युझवेंद्र चहलला मागे टाकत, टी-२० आंतरराष्ट्रीय सामन्यांमध्ये भारताचा सर्वाधिक बळी घेणारा गोलंदाज म्हणून स्थान मिळवले आहे. १३३ बळींसह अर्शदीप सिंग टी-२० आंतरराष्ट्रीय सामन्यांमधील भारताच्या सर्वाधिक बळी घेणाऱ्या गोलंदाजांच्या यादीत अग्रस्थानी आहे.

या यादीत जसप्रीत बुमराह १२१ बळींसह दुसऱ्या, तर हार्दिक पांड्या ११४ बळींसह तिसऱ्या स्थानावर आहे. इंग्लंडविरुद्धच्या सामन्यात नुकतीच उत्कृष्ट कामगिरी करणाऱ्या अक्षर पटेलने आता १०० बळी पूर्ण करत या प्रतिष्ठित यादीत चौथे स्थान पटकावले आहे. दरम्यान, ९६ बळी घेणारा फिरकी गोलंदाज युझवेंद्र चहल आता पाचव्या स्थानावर पोहोचला आहे.

टी-२० आंतरराष्ट्रीय सामन्यांमध्ये ही कामगिरी करणारा अक्षर पटेल दुसरा भारतीय खेळाडू ठरला आहे. भारताकडून खेळताना त्याने ५०० हून अधिक धावा केल्या आहेत आणि १०० किंवा त्याहून अधिक बळी घेतले आहेत. अक्षरने आतापर्यंत ६१ डावांमध्ये ७३६ धावा जमवल्या आहेत. त्याच्या आधी हा अनोखा विक्रम केवळ हार्दिक पांड्याच्या नावावर होता, ज्याने १०९ डावांमध्ये २२८८ धावा केल्या होत्या आणि ११४ बळी घेतले होते. आता या प्रतिष्ठित यादीत अक्षर पटेलच्या नावाची भर पडली आहे.त्याने आपल्या चार षटकांत २० धावा देऊन एक बळी घेतला. 

Edited By - Priya Dixit