गुरूवार, 28 मार्च 2024
  1. मराठी बातम्या
  2. क्रिकेट मराठी
  3. क्रिकेट वृत्त
Written By
Last Modified: मंगळवार, 31 मे 2022 (15:20 IST)

महेंद्रसिंग धोनीवर गुन्हा दाखल,जाणून घ्या काय आहे आरोप

dhoni
बिहारच्या बेगुसराय न्यायालयात एक तक्रार दाखल करण्यात आली असून त्यात भारतीय क्रिकेट संघाचा माजी कर्णधार महेंद्रसिंग धोनीला आरोपी करण्यात आले आहे. या प्रकरणातील आरोपींमध्ये धोनीशिवाय इतर 7 जणांची नावे आहेत. याप्रकरणी खत विक्रेत्याने गुन्हा दाखल केला आहे. हा खटला 30 लाख रुपयांचा चेक बाऊन्स झाल्याचा आहे. सीजेएम यांच्या न्यायालयात गुन्हा दाखल करण्यात आला आहे. सीजेएमने हे प्रकरण दुसऱ्या न्यायालयात सुनावणीसाठी पाठवले गेले आहे. 
 
दाखल केलेल्या तक्रारीनुसार, 2021 मध्ये, DS एंटरप्रायझेस बेगुसराय नावाच्या एजन्सीसोबत, खत कंपनी ग्लोबल अपग्रेड इंडिया, नवी दिल्लीने तिच्या एका विशेष उत्पादनाच्या विक्रीसाठी करार केला. एजन्सीने उत्पादनासाठी कंपनीला 36.81 लाख दिले. कंपनीने एजन्सीकडे खत पाठवले मात्र आश्वासनानुसार मार्केटिंगला सहकार्य केले नाही. त्यामुळे एजन्सीमध्ये माल अडकून पडल्याचा दावा तक्रारीत करण्यात आला आहे. कंपनीच्या असहकारामुळे आपले नुकसान झाल्याचे एजन्सीचे मालक नीरजकुमार निराला यांनी म्हटले आहे.
 
नंतर तक्रार केल्यावर कंपनीने एजन्सीमध्ये जे खत अडकले होते ते परत घेतले आणि त्याबदल्यात 30 लाखांचा धनादेश दिला. मालकाने धनादेश बँकेत पाठवला असता तो बाऊन्स झाला. याबाबत वारंवार माहिती देऊनही कंपनीच्या अधिकाऱ्यांनी किंवा प्रतिनिधींनी लक्ष दिले नाही. चेक बाऊन्स झाल्याबद्दल एजन्सी मालकाच्या वकिलांनी कंपनीला कायदेशीर नोटीसही पाठवली, मात्र दुकानदाराला दिलासा मिळाला नाही. वैतागलेला नीरज कुमार निराला कोर्टाच्या आश्रयाला गेला.
 
भारतीय क्रिकेट संघाचा माजी कर्णधार महेंद्रसिंग धोनीने या उत्पादनाची जाहिरात केली होती. त्यामुळे नीरज कुमार निराला यांनी धोनी विरोधातही गुन्हा दाखल केला आहे.
 
या प्रकरणी नीरज कुमार निराला यांच्या वतीने माजी क्रिकेट कर्णधार महेंद्रसिंग धोनी यांच्यासह कंपनीचे सीईओ राजेश आर्य, स्टेट हेड अजय कुमार, मार्केटिंग हेड अर्पित दुबे, एमडी इम्रान जफर, मार्केटिंग मॅनेजर वंदना आनंद आणि डायरेक्टर महेंद्रसिंग यांच्यासह काही जणांवर कारवाई करण्यात आली. 8 जणांना आरोपी करण्यात आले.
 
हा खटला ग्राह्य धरून न्यायालयाने या प्रकरणाचे न्यायदंडाधिकारी अजय कुमार यांची मिश्रा यांच्या न्यायालयात बदली केली आहे. पुढील सुनावणीसाठी 28 जूनची तारीख निश्चित करण्यात आली आहे. या प्रकरणात महेंद्रसिंग धोनीचे नाव आल्याने हे प्रकरण चर्चेत आहे.