Daily Horoscope
✕

भारतीय संघासाठी वनडेत पहिला चौकार मारणारे Sudhir Naik यांचे निधन

Updated: गुरूवार, 6 एप्रिल 2023 (11:20 IST)
 
मुंबई क्रिकेट असोसिएशनच्या एका अधिकाऱ्याने सांगितले की, नुकतेच सुधीर बाथरूमच्या पृष्ठभागावर पडले आणि त्यांच्या डोक्याला दुखापत झाली. यानंतर त्यांना मुंबईच्या रुग्णालयात दाखल करण्यात आले. ते कोमात गेले आणि त्यातून सावरता आले नाही. सुधीर हे मुंबई क्रिकेटमधील अत्यंत प्रतिष्ठित व्यक्तिमत्त्व होते आणि रणजी ट्रॉफी विजेते कर्णधारही होते. 1970-71 च्या रणजी हंगामात त्यांनी मुंबई संघाचे नेतृत्व केले आणि विजेतेपद पटकावले.
 
मुंबईच्या दिग्गजाने मुंबई क्रिकेट आणि भारतीय क्रिकेटसाठी वेगवेगळ्या भूमिका आणि जबाबदाऱ्या पार पाडल्या. सुनील गावस्कर, अजित वाडेकर, दिलीप सरदेसाई आणि अशोक मांकड कॅरिबियनमध्ये इतिहास रचण्यात व्यस्त असताना सुधीर यांनी 1971 मध्ये मुंबईला रणजी ट्रॉफी जिंकून दिली. सुधीर यांनी 85 प्रथम श्रेणी सामन्यांमध्ये 4376 धावा केल्या, ज्यात सर्वाधिक 200 नाबाद धावा आहेत.
 
1972 मध्ये जेव्हा सर्व स्टार खेळाडू परत आले तेव्हा सुधीरला प्लेइंग-11 मधून वगळण्यात आले हे दुर्दैव म्हणता येईल. 1974 मध्ये सुधीर यांना बर्मिंगहॅम कसोटीत इंग्लंडविरुद्ध पदार्पण करण्याची संधी मिळाली आणि त्याने अर्धशतकही झळकावले. या कसोटीच्या दुसऱ्या डावात त्याने 77 धावा केल्या. मात्र, भारतीय संघाला पराभवाचा सामना करावा लागला. 1974 नंतर सुधीर यांची कारकीर्द फारशी टिकू शकली नाही आणि ते भारतीय संघात पुनरागमन करू शकले नाही.
 
खेळाडू म्हणून कारकीर्द संपल्यानंतर मुंबई क्रिकेटला योग्य दिशा दाखवण्यात सुधीर नाईक यांचा मोठा वाटा आहे. झहीर खान, वसीम जाफर आणि नीलेश कुलकर्णी यांच्या कारकिर्दीला चालना देण्यात त्यांचा मोलाचा वाटा होता. याशिवाय पुढे मुंबईकडून खेळलेल्या अनेक खेळाडूंनाही त्यांनी मार्गदर्शन केले. सुधीर दीर्घकाळ वानखेडे स्टेडियमचे मुख्य क्युरेटरही होते. ICC विश्वचषक 2011 साठी स्टेडियम तयार करण्याचे श्रेय देखील सुधीर यांना जाते. वानखेडे स्टेडियमचे पिच क्युरेटर म्हणून त्यांनी कधीच पगार घेतला नसल्याचे सांगितले जाते.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

भारतीय संघाने नेपाळला ३०६ धावांनी पराभूत करून इतिहास रचला; लिस्ट 'A' क्रिकेटमधील आतापर्यंतचा सर्वात मोठा विजय

Asia Cup Rising Stars टीम इंडियाने गुणतालिकेत अव्वल स्थान पटकावले, तर पाकिस्तान दुसऱ्या स्थानावर

भारतीय सलामीवीर फलंदाज केएल राहुलने शानदार शतक झळकावले! त्याचे नाव इतिहासाच्या पानांवर कोरले गेले

गिल आणि पंत डब्ल्यूटीसीमध्ये ३,००० धावांचा टप्पा गाठणारे ते पहिले भारतीय खेळाडू ठरले

भारत आणि पाकिस्तान यांच्यात आणखी एक सामना होणार! सामना किती वाजता सुरू होईल?

पुढील लेख
Show comments