भारत आणि पाकिस्तान यांच्यातील क्रिकेट सामन्याची चाहते आतुरतेने वाट पाहत आहेत. जुलै महिन्यात पुन्हा एकदा दोन्ही संघ एकमेकांशी भिडण्याच्या तयारीत आहेत. महिला आशिया चषक स्पर्धेत हा सामना खेळवला जाणार आहे. भारत हा या स्पर्धेतील सर्वात यशस्वी संघ आहे, ज्याने एकदिवसीय आणि टी-२० या दोन्ही प्रकारांसह सात वेळा हे विजेतेपद पटकावले आहे.
टीम इंडियाने 2012, 2016 आणि 2022 मध्ये टी-20 फॉरमॅटमध्ये आशिया कप जिंकला आहे. यावेळीही ही स्पर्धा फक्त टी-20 फॉरमॅटमध्ये खेळवली जाणार आहे.
महिला आशिया कप 2024 मध्ये जेतेपदासाठी आठ संघ स्पर्धा करतील, ज्यामध्ये प्रत्येकी चार संघांचे दोन गट असतील. प्रत्येक गटातील अव्वल दोन संघ उपांत्य फेरीत खेळतील आणि त्यानंतर 28 जुलै रोजी अंतिम सामना होईल. या स्पर्धेत भारत आणि पाकिस्तान यांच्यात 19 जुलै रोजी सामना होणार आहे.
हा सामना या स्पर्धेतील सर्वात मोठा सामना असणार आहे. भारतीय संघाच्या गटात नेपाळ, पाकिस्तान आणि यूएई या संघांचा समावेश आहे. हे सर्व संघ अ गटातील आहेत. महिला आशिया चषक 2024 चे सर्व सामने डंबुला येथील रंगिरी डंबुला आंतरराष्ट्रीय स्टेडियमवर खेळले जातील.
वेळा पत्रक-
19 जुलै (शुक्रवार): भारत विरुद्ध पाकिस्तान - संध्याकाळी 7:00, रंगिरी डंबुला आंतरराष्ट्रीय क्रिकेट स्टेडियम, श्रीलंका
21 जुलै (रविवार): भारत विरुद्ध UAE - दुपारी 2:00 वाजता, रंगिरी डंबुला आंतरराष्ट्रीय क्रिकेट स्टेडियम, श्रीलंका
23 जुलै (मंगळवार): भारत विरुद्ध नेपाळ - संध्याकाळी 7:00, रंगिरी डंबुला आंतरराष्ट्रीय क्रिकेट स्टेडियम, श्रीलंका
महिला आशिया कप 2024 भारतातील स्टार स्पोर्ट्स नेटवर्कवर प्रसारित केला जाईल. अशा परिस्थितीत स्टार स्पोर्ट्सच्या वेगवेगळ्या चॅनलवर तुम्हाला भारतीय महिला संघाचे सर्व सामने पाहता येतील.
महिला आशिया कप 2024 साठी भारतीय संघ
हरमनप्रीत कौर (कर्णधार), रिचा घोष (यष्टीरक्षक), उमा छेत्री (यष्टीरक्षक), स्मृती मानधना (उपकर्णधार), शेफाली वर्मा, दीप्ती शर्मा, पूजा वस्त्राकर, अरुंधती रेड्डी, जेमिमाह रॉड्रिग्स, रेणुका ठाकूर, दयालन हेमलता, आशा शोभाना. ,राधा यादव , श्रेयंका पाटील , सजना सजीवन
Edited by - Priya Dixit
