PBKS vs RCB : आरसीबी चॅम्पियन बनला, अंतिम सामन्यात पंजाबला सहा धावांनी हरवले
आरसीबीने आयपीएल 2025 चे विजेतेपद जिंकले आहे. अहमदाबादमधील नरेंद्र मोदी स्टेडियमवर झालेल्या अंतिम सामन्यात संघाने पंजाब किंग्जचा 06 धावांनी पराभव केला. 18 वर्षांची प्रतीक्षा संपली. आरसीबी संघ आयपीएलचा आठवा विजेता संघ आहे.
रॉयल चॅलेंजर्स बंगळुरूने आयपीएल 2025चे विजेतेपद जिंकले आहे. 18 वर्षांची प्रतीक्षा संपली आहे. अखेर विराट कोहलीही चॅम्पियन बनला आहे.
18वर्षांच्या प्रदीर्घ प्रतीक्षेनंतर अखेर आरसीबी संघाने आयपीएलमध्ये आपला पहिला ट्रॉफी जिंकण्यात यश मिळवले. आयपीएल 2025 च्या अंतिम सामन्यात आरसीबीने पंजाब किंग्ज संघाचा पराभव केला.
रॉयल चॅलेंजर्स बंगळुरूने अखेर 18 वर्षांचा आयपीएल ट्रॉफीचा दुष्काळ संपवला. इंडियन प्रीमियर लीगच्या 18 व्या हंगामात, रजत पाटीदारच्या नेतृत्वाखालील रॉयल चॅलेंजर्स बंगळुरूने अंतिम सामन्यात पंजाब किंग्जचा सामना केला, ज्यामध्ये त्यांनी 6 धावांनी सामना जिंकला आणि जेतेपद जिंकण्यात यश मिळवले. या सामन्यात आरसीबीने प्रथम फलंदाजी करत 20 षटकांत 9 गडी गमावून 190 धावा केल्या, त्यानंतर पंजाब किंग्ज 20 षटकांत फक्त 184 धावाच करू शकले आणि पहिल्यांदाच ट्रॉफी जिंकण्याचे त्यांचे स्वप्न पूर्ण होऊ शकले नाही.
अंतिम सामन्यात जेव्हा पंजाब किंग्ज संघ 191धावांच्या लक्ष्याचा पाठलाग करण्यासाठी मैदानात उतरला तेव्हा त्यांच्या सलामी जोडीने पहिल्या विकेटसाठी 43 धावांची भागीदारी केली, त्यानंतर त्यांना पहिला धक्का प्रियांश आर्यच्या रूपात 43 धावांवर बसला, जो 24 धावा करून बाद झाला.
त्याच वेळी, प्रभसिमरन सिंग आणि जोश इंग्लिश या जोडीने डावाची सूत्रे हाती घेतली आणि धावसंख्या 72 धावांवर नेली. प्रभसिमरनला कृणाल पंड्याने पॅव्हेलियनमध्ये पाठवले, ज्यामुळे आरसीबी संघाने सामन्यात पुनरागमन केले आणि येथून त्यांनी पंजाब किंग्जला कोणत्याही प्रकारे सामन्यात परतण्याची संधी दिली नाही. या सामन्यात मोठी खेळी खेळण्याची अपेक्षा असलेल्या श्रेयस अय्यरला या सामन्यात फक्त एक धाव करून बाद करण्यात आले.
दोन्ही संघ पुढीलप्रमाणे आहेत:-
पंजाब किंग्ज (XI): प्रियांश आर्य, श्रेयस अय्यर (कर्णधार), जोश इंग्लिस (यष्टीरक्षक), नेहल वढेरा, शशांक सिंग, मार्कस स्टॉइनिस, विजय वैशाख, अजमातुल्ला ओमरझाई, काइल जेमिसन, युझवेंद्र चहल आणि अर्शदीप सिंग.
रॉयल चॅलेंजर्स बंगलोर (XI):- विराट कोहली, फिल सॉल्ट (यष्टीरक्षक), मयंक अग्रवाल, रजत पाटीदार (कर्णधार), लियाम लिव्हिंगस्टोन, जितेश शर्मा, रोमॅरियो शेफर्ड, कृणाल पंड्या, भुवनेश्वर कुमार, यश दयाल आणि जोश हेझलवुड.
