संबंधित माहिती
- Bengaluru Stampede: आरसीबी अधिकाऱ्यासह चौघांना अटक;14 दिवसांची न्यायालयीन कोठडी सुनावली
- बंगळुरू चेंगराचेंगरी प्रकरणात विराट कोहली अडचणीत, सामाजिक कार्यकर्त्यांकडून तक्रार
- बेंगळुरू चेंगराचेंगरी प्रकरणात आरसीबीच्या चार वरिष्ठ अधिकाऱ्यांना अटक
- Bengaluru stampede आरसीबीने मृतांच्या कुटुंबियांना १० लाख रुपये भरपाई जाहीर केली
- बंगळूरुच्या चिन्नास्वामी स्टेडियम मध्ये विजयी मिरवणुकीत चेंगराचेंगरी, 7 जणांचा मृत्यू
या भारतीय क्रिकेटर वर लैंगिक शोषणाचा आरोप
गाजियाबादच्या इंदिरापुरम पोलिस स्टेशन परिसरातील एका तरुणीने आयपीएल संघ रॉयल चॅलेंजर्स बंगळुरू (आरसीबी) चा खेळाडू यश दयाल याच्याविरुद्ध मुख्यमंत्र्यांच्या पोर्टलवर लैंगिक छळाचा आरोप करत तक्रार दाखल केली आहे.
लग्नाच्या बहाण्याने तिचा शारीरिक आणि मानसिक छळ करण्यात आला आणि तिने विरोध केला तेव्हा तिला मारहाण करण्यात आल्याचा आरोप मुलीने केला आहे. तिने मुख्यमंत्री पोर्टलवर तक्रार दाखल करून कठोर कारवाईची मागणी केली आहे.
मुख्यमंत्र्यांच्या पोर्टलवर केलेल्या तक्रारीत, मुलीने म्हटले आहे की तिचे एका क्रिकेटपटूशी पाच वर्षांपासून संबंध होते. क्रिकेटपटूने तिला लग्नाचे आमिष दाखवून आपल्या कुटुंबासमोर आपली सून म्हणून सादर केले. त्यानंतर तिचा शारीरिक आणि मानसिक छळ करण्यात आला. काही काळानंतर तिला कळले की तो क्रिकेटपटू इतर मुलींसोबतही संबंधात आहे.
जेव्हा तिने याचा निषेध केला तेव्हा तिच्यावर शारीरिक हिंसाचार आणि मानसिक छळ करण्यात आल्याचा आरोप आहे. यानंतर, 14 जून 2025रोजी तिने महिला हेल्पलाइनवर तक्रार केली, परंतु कोणतीही कारवाई झाली नाही.
पीडितेने पोलिसांना पुरावे सादर केले आणि सांगितले की ती आर्थिक आणि सामाजिकदृष्ट्या कमकुवत आहे. पीडितेने पोलिसांना व्हॉट्सअॅप, स्क्रीनशॉट, व्हिडिओ कॉल आणि क्रिकेटरसोबतचे फोटो यांचे पुरावेही दिले आहेत. तिने कठोर कारवाईची मागणीही केली आहे.
Edited By - Priya Dixit
