फ्रेंच कैद्याने तुरूंगात पत्नीसाठी बनवला ताजमहाल

आपल्या पत्नीसाठी आगपेटीच्या काड्यांपासून उत्तरप्रदेशमधील एका परदेशी कैद्याने सुंदर ताजमहाल बनवला आहे. हा ताजमहाल आपल्या पत्नीपर्यंत पोहोचवण्याची त्याची शेवटची इच्छा आहे. सोनोली सीमारेषेवर अल्बर्ट पास्कल नावाच्या फ्रान्सच्या नागरिकाला अमली पदर्थांच्या तस्करीच्या आरोपाखाली पकडण्यात आले होते.

उत्तरप्रदेशातील महाराजगंज जिल्ह्यातील तुरूंगात तो शिक्षा भोगत आहे. त्याने आपल्या शिक्षेच्या काळात आपल्या प्रिय पत्नीसाठी हा ताजमहाल बनवला. अल्बर्ट हा एड्सबाधित आहे, त्याचप्रमाणे जेलमध्ये राहून त्याच्या मा‍नसिक स्थितीवर ‍परिणाम झाला असल्यामुळे त्याला नैराश्येतून बाहेर काढण्यासाठी तुरूंगातील प्रशासनाने त्याच्या कलागुणांना वाव देण्याची संधी दिली आहे. अल्बर्टने हा ताजमहाल तुरूंगातील अन्य दोन कैद्यांच्या मदतीने बनवला आहे.