मराठी राजभाषा दिन : काय काय वर्णू तव गुण, अशी ही माझी गुणवंत मराठी

अटकेपार झेंडा जीचा तीच आहे मराठी,

गोडवा जिच्यात भरपूर, अशी रसाळ मराठी,

थोर साहित्यिक, विचारवंतांची खाण मराठी,

शब्दसंपत्ती ठासून भरली, अशी वैभवशाली मराठी,

नम्रतेने सतत वागते, तीच आहे शालीन मराठी,

जोश जिच्या नसानसांत धावतो, अशी तडफदार मराठी,

काय काय वर्णू तव गुण, अशी ही माझी गुणवंत मराठी,

अभिमान जीचा बाळगावा, अशी ही माझी माय मराठी!!

...अश्विनी थत्ते.