दुनिया पक्ष्यांची : गोल्डन ईगल

सोनेरी गरुडाची जोडी हे त्यांच्या प्रदेशाचे रक्षण करतात आणि जवळपास 155 स्क्वेअर किलोमीटरचा त्यांचा प्रांत असतो. हा पक्षी एकाच जोडीदाराबरोबर अनेक वर्ष आणि शक्यतो संपूर्ण आयुष्यभर राहातो. या पक्षाची घरे अतिशय उंचावर असतात आणि लटकलेलीअसतात. उंच झाडांवर आणि टेलिफोनच्या खांबावरसुद्धा ते घरटे बांधतात. ते मोठे घरटे बांधतात, जेणेकरून त्यामध्ये अनेक वेळा अंडी घालता येऊ शकतील. एका वेळी मादी एक ते चार अंडी घालते. नर-मादी दोघे मिळून 40 ते 45 दिवसांपर्यंत ही अंडी उबवतात. एक किंवा दोन पिले यापैकी जगतात आणि तीन महिन्यांनंतर ते स्वतंत्ररीत्या उडू शकतात.

मॅक्सिकोबरोबरच पश्चिम-दक्षिण अमेरिकेत आलास्कापर्यंत हे पक्षी आढळतात. आशिया, दक्षिण आफ्रिका आणि युरोपमध्येसुद्धा ते आढळतात. काही सोनेरी गरूड हे स्थलांतर करतात पण सगळेच नाही. त्यांचे स्थलांतर भौगोलिक परिस्थितीवर अवलंबून असते. आलास्कामध्ये आणि कॅनडात राहणारे हे पक्षी साधारणपणे दक्षिणेकडे स्थलांतरित होतात. तर पश्चिम अमेरिकेच्या भागात राहणारे पक्षी त्यांच्याच प्रदेशात राहतात.