कोल्ड ड्रिंक आणि च्युइंगममुळे होऊ शकतो कॅन्सर! WHO ने केला धक्कादायक खुलासा

संशोधनातून समोर आले आहे

या ताज्या संशोधनात असे आढळून आले की, या गोष्टी खाल्ल्याने कर्करोगासारख्या गंभीर आजाराचा धोका वाढतो. वास्तविक, कोल्ड ड्रिंक आणि च्युइंगम इत्यादींमध्ये गोडपणासाठी कृत्रिम स्वीटनर 'एस्पार्टेम' वापरला जातो. एस्पार्टमचे सतत सेवन केल्याने शरीरात कर्करोग होऊ शकतो. वर्ल्ड हेल्थ ऑर्गनायझेशन (WHO) च्या अहवालानुसार, एस्पार्टेम हे कार्सिनोजेन आहे, जे शरीरात कर्करोगाच्या पेशींना चालना देऊ शकते.

कृत्रिम स्वीटनर धोकादायक का आहे

'इंटरनॅशनल एजन्सी फॉर रिसर्च ऑन कॅन्सर' (IARC) नुसार, तुम्ही एस्पार्टमने समृद्ध असलेल्या गोष्टी किती प्रमाणात सेवन करत आहात हे महत्त्वाचे नाही. जर तुम्ही ही उत्पादने कृत्रिम स्वीटनर्ससह अगदी कमी प्रमाणात ही वापरत असाल तर तुम्ही तुमचा जीव धोक्यात घालत आहात. एस्पार्टमचा वापर आरोग्यासाठी देखील धोकादायक आहे कारण त्यात सामान्य साखरेपेक्षा 200 पट जास्त गोडवा आहे. अशा परिस्थितीत तुम्ही जर कोल्ड ड्रिंक्सचे सेवन करत असाल तर कळत-नकळत तुम्ही कॅन्सरसारख्या गंभीर आणि जीवघेण्या आजाराला आमंत्रण देत आहात.

या लोकांना जास्त धोका असतो

अशा स्थितीत एस्पार्टेमचे घातक परिणाम लक्षात घेऊन 14 जुलै रोजी आय.ए.आर.सी हे अधिकृतपणे कार्सिनोजेन घोषित केले जाणार आहे. या अनुषंगाने, गेल्या वर्षी फ्रान्समधील एक लाखाहून अधिक लोकांवर एस्पार्टमच्या परिणामांबाबत संशोधन करण्यात आले. या संशोधनात असे आढळून आले की जे लोक कृत्रिम स्वीटनर वापरतात त्यांना कर्करोग होण्याचा धोका जास्त असतो.