उत्सव काळात लोकांची घरे पाडू नका! महसूल मंत्री चंद्रशेखर बावनकुळे यांचे स्पष्ट आदेश

मिळालेल्या माहितीनुसार राज्याचे महसूल मंत्री चंद्रशेखर बावनकुळे यांनी सर्व प्रशासकीय अधिकाऱ्यांना आगामी उत्सवांमध्ये घरे पाडण्याची कारवाई पुढे ढकलण्याचे स्पष्ट आदेश दिले आहे. बावनकुळे यांनी बुधवारी सांगितले की, उत्सव काळात घरे पाडण्याची सूचना देऊन लोकांमध्ये भीतीचे वातावरण निर्माण करू नका. जी काही कारवाई करायची आहे ती गणेशोत्सवानंतर करा. तोपर्यंत अधिकाऱ्यांनी लोकांना कोणतीही सूचना देऊ नये.

बीएमसीने नोटीस बजावली

बीएमसीने उत्तर मुंबईतील नागरिकांच्या बांधकामांना अनधिकृत ठरवत नोटीस बजावली आहे. मुंबई महानगरपालिकेने कथित अनधिकृत बांधकामांविरुद्ध केलेली कारवाई थांबवावी या स्थानिक लोकांच्या मागणीवर चर्चा करण्यासाठी महसूल मंत्री बावनकुळे यांच्या अध्यक्षतेखाली बुधवारी मंत्रालयात बैठक झाली.

गणेशोत्सवापर्यंत कारवाई थांबवण्याचे आदेश

भाजप उत्तर मुंबई जिल्हाध्यक्ष दीपक तावडे आणि महसूल विभागाचे अधिकारी बैठकीत उपस्थित होते. बैठकीत नागरिकांच्या विनंतीवर सहानुभूतीपूर्वक विचार करून महसूल मंत्री बावनकुळे यांनी गणेशोत्सवापर्यंत ही कारवाई थांबवण्याचे आदेश दिले आहे. परंतु बनावट नकाशे तयार करून बांधकाम करणाऱ्यांना सूट मिळणार नाही असा इशाराही त्यांनी दिला आहे.

Edited By- Dhanashri Naik