भीक मागण्यासाठी मुंबईतून लहान मुलांची चोरी,आरोपीला अटक

सीसीटीव्ही फुटेजमध्ये ही घटना स्पष्टपणे दिसत आहे, त्यात एक अल्पवयीन मुलगी बेपत्ता झालेल्या मुलासोबत बोरिवली रेल्वे स्टेशनच्या पुलावर धावताना दिसत आहे. हे दृश्य लहान मुलाच्या चोरीचे आहे, ज्यामध्ये मुलगी चोरी करून पळून जाताना दिसत आहे. आरोपी महिला दिल्लीची रहिवासी असून तिला दोन मुले आहेत. 3 दिवसांपूर्वी ही महिला आपल्या दोन मुलांसह मुंबईत आली होती. यानंतर पोलिसांना माहिती देणाऱ्या महिलेशी तिची ओळख झाली आणि त्यानंतर संधी मिळताच महिलेच्या तीन वर्षांच्या मुलाला घेऊन पळून गेली.

पोलिसांनी दिलेल्या माहितीनुसार, या घटनेत आरोपी महिलेच्या दोन्ही मुलांनीही तिला साथ दिली. पोलिसांनी सुरक्षित तीन वर्षांच्या मुलाला त्याच्या आईच्या ताब्यात दिले. यानंतर आरोपी महिलेला शनिवारी न्यायालयात हजर करण्यात आले. यानंतर न्यायालयाने आरोपी महिलेची न्यायालयीन कोठडीत रवानगी केली आहे. त्यामुळे या कामात महिलेला साथ देणाऱ्या तिच्या मुलाला आणि मुलीलाही पोलिसांनी ताब्यात घेतले आहे.