अयोध्येतील राम मंदिर भक्तांसाठी कधी उघडणार? ट्रस्टने तारीख सांगितली

दिवाळीच्या एका दिवसानंतर मंगळवारी ट्रस्टने प्रसारमाध्यमांना मंदिराच्या बांधकामाच्या प्रगतीचा आढावा घेण्याच्या ठिकाणाला भेट देण्याची परवानगी दिली. या भेटीदरम्यान, पंतप्रधान नरेंद्र मोदी यांनी गेल्या शनिवारी ज्या ठिकाणी मंदिराच्या बांधकामाचा आढावा घेतला त्या ठिकाणी पत्रकारांनाही नेण्यात आले.

ट्रस्टचे सरचिटणीस चंपत राय म्हणाले, “मुख्य मंदिराचे 40 टक्के आणि संकुलातील एकूण 50 टक्के काम पूर्ण झाले आहे. बांधकामाच्या प्रगती आणि दर्जाबाबत आम्ही समाधानी आहोत.

राय म्हणाले की, मंदिराच्या उभारणीसाठी 1800 कोटी रुपये खर्च होण्याची शक्यता आहे. मंदिराचा पहिला मजला डिसेंबर 2023 पर्यंत तयार होईल, असे त्यांनी सांगितले. त्यानंतर 14 जानेवारी 2024 रोजी मकर संक्रांतीच्या दिवशी मंदिरात रामाचे प्राणप्रतिष्ठा करून ते भक्तांसाठी खुले करण्यात येणार असल्याचे त्यांनी सांगितले.

Edited by : Smita Joshi