महाराष्ट्रात गणेश विसर्जनादरम्यान ९ जण बुडाले तर १२ जण बेपत्ता

महाराष्ट्रात गणेशमूर्तींच्या विसर्जनाशी संबंधित विविध घटनांमध्ये किमान नऊ जण बुडाले आणि १२ जण बेपत्ता आहे. ठाणे, पुणे, नांदेड, नाशिक, जळगाव, वाशिम, पालघर आणि अमरावती जिल्ह्यात या घटना घडल्या. पुणे जिल्ह्यातील तीन वेगवेगळ्या घटनांमध्ये पाच जण जलाशयात वाहून गेले, असे एका अधिकाऱ्याने सांगितले.

पुण्यातील अधिकाऱ्याने सांगितले की, "वाकी खुर्द येथील भामा नदीत दोन जण आणि शेल पिंपळगाव येथील एक जण वाहून गेला. जिल्ह्यातील ग्रामीण भागातील बिरवाडी येथे आणखी एक जण घसरून विहिरीत पडला. खेड येथे ४५ वर्षीय एक पुरूष वाहून गेला." त्यांनी सांगितले की, तीन जणांचे मृतदेह बाहेर काढण्यात आले आहे. नांदेड जिल्ह्यातील गंडगाव येथील नदीत तीन जण वाहून गेले होते, त्यापैकी काही वेळाने एकाला वाचवण्यात आले. एका स्थानिक अधिकाऱ्याने ही माहिती दिली.

नांदेड पोलिसांनी सांगितले की, इतर दोघांचा शोध सुरू आहे. नाशिक जिल्ह्यातील सिन्नर आणि कळवण भागातही अशाच प्रकारच्या घटना घडल्या आहे. नाशिकमध्ये पाच जण वाहून गेले. दोघांचे मृतदेह बाहेर काढण्यात आले आहे, तर इतरांचा शोध सुरू आहे, असे अधिकाऱ्याने सांगितले.
तसेच जळगावमध्ये वेगवेगळ्या घटनांमध्ये तीन जण वाहून गेले, असे त्यांनी सांगितले. ठाण्यातील शाहपूर तालुक्यातील मुंडेवाडी येथील रहिवासी असलेले तीन जण धरणाजवळ भार्गवी नदीच्या जोरदार प्रवाहात वाहून गेले. शाहपूर तहसीलदार परमेश्वर कासुले यांनी सांगितले की, गणपतीच्या मूर्तीचे विसर्जन केल्यानंतर ते परत येत होते. पालघर जिल्ह्यात गणपती मूर्ती विसर्जनादरम्यान नाल्यात वाहून गेलेल्या तिघांना सागरी अधिकाऱ्यांनी तातडीने माहिती दिल्यानंतर बोटीच्या मदतीने वाचवण्यात आले. अधिकाऱ्यांनी रविवारी ही माहिती दिली. शनिवारी दुपारी ३ वाजता विरार (पश्चिम) येथील नारंगी जेट्टी येथे ही घटना घडल्याचे त्यांनी सांगितले. एका स्थानिक अधिकाऱ्याने सांगितले की, वाशिम जिल्ह्यात दोन जण बुडाले, त्यापैकी एकाचा मृतदेह बाहेर काढण्यात आला आहे. पोलिसांच्या म्हणण्यानुसार, अमरावतीमध्ये एकाचा बुडाला. आपत्ती व्यवस्थापन पथकाने मृतदेह बाहेर काढला आहे.
मुंबई शहरात, जिथे विसर्जन मिरवणुकीला अनेक तास लागतात, तिथे विजेचा धक्का बसून एकाचा मृत्यू झाला आणि पाच जण जखमी झाले. महानगरपालिका अधिकाऱ्यांनी ही माहिती दिली.  
Edited By- Dhanashri Naik