संबंधित माहिती
- राज्यात काल नव्या २३४७ रुग्णांची भर; आतापर्यंत ७,६८८ जणांना डिस्चार्ज
- महाराष्ट्रात ३१ मे पर्यंत लॉकडाउन कायम
- विधान परिषदेचं तिकीट नाकारलं म्हणजे पक्षाने सर्वस्वी दूर केलं असं नाही- तावडे
- ताडोबा प्रकल्प: वन्यप्रेमींसाठी ऑनलाईन पर्यटनाचा देशातला पहिला प्रयोग
- ३० मे नंतर आषाढी वारी पालखी सोहळयाबाबत अंतिम निर्णय
शपथविधीनंतर मुख्यमंत्री उद्धव ठाकरे यांनी घेतली राज्यपालांची भेट
मुख्यमंत्री उद्धव ठाकरे यांनी आज आमदारकीची शपथ घेतली. विधीमंडळात साधेपणाने हा शपथविधी पार पडला. उद्धव ठाकरे यांच्यासोबत बिनविरोध निवडून आलेल्या इतर आठ उमेदवारांनाही आमदारकीची शपथ घेतली. शपथविधीनंतर उद्धव ठाकरे यांनी राज्यपाल भगतसिंग कोश्यारी यांची भेट घेतली.
यावेळी राज्यपालांनीही मुख्यमंत्री उद्धव ठाकरे यांचे विधानपरिषदेचे सदस्य म्हणून निवडून आल्याबद्दल अभिनंदन केलं. यावेळी उद्धव ठाकरे यांच्यासोबत त्यांच्या पत्नी रश्मी ठाकरे, राजशिष्टाचार व पर्यटन मंत्री आदित्य ठाकरे आणि राज्याचे मुख्य सचिव अजोय मेहता हे देखील उपस्थित होते.
विधानपरिषदेच्या नऊ जागांसाठी झालेल्या निवडणुकीत अर्ज मागे घेण्याच्या अंतिम मुदतीमध्ये १३ पैकी ४ उमेदवारांनी माघार घेतल्याने मुख्यमंत्री उद्धव ठाकरे यांच्यासह सर्व नऊ अधिकृत उमेदवारांची बिनविरोध निवड झाल्याची माहिती मुख्य निवडणूक अधिकारी कार्यालयाकडून देण्यात आली होती.
शपथविधीसाठी उपमुख्यमंत्री अजित पवार, जयंत पाटील, बाळासाहेब थोरात यांच्यासह अनेक महत्त्वाचे नेते उपस्थित होते.
