उपमुख्यमंत्री एकनाथ शिंदे यांना जीवे मारण्याची धमकी, तरुणाविरुद्ध एफआयआर दाखल

Death threat to Eknath Shinde : महाराष्ट्राचे उपमुख्यमंत्री एकनाथ शिंदे यांना सोशल मीडियावर जीवे मारण्याची धमकी देण्यात आली होती. याप्रकरणी ठाणे पोलिसांनी कारवाई केली. अधिकाऱ्याने सोमवारी या प्रकरणाची माहिती दिली आणि सांगितले की, ठाणे पोलिसांनी महाराष्ट्राचे उपमुख्यमंत्री एकनाथ शिंदे यांना जीवे मारण्याची धमकी दिल्याप्रकरणी 26 वर्षीय तरुणाविरुद्ध एफआयआर दाखल केला आहे. यावेळी ठाणे पोलीस स्टेशनमध्ये शिवसेनेचे कार्यकर्ते मोठ्या संख्येने उपस्थित होते.

तपशील न देता पोलिसांनी सांगितले की, एकनाथ शिंदे यांना धमकी देणाऱ्या आरोपीने सोशल मीडियावरील पोस्टमध्ये  पमुख्यमंत्र्यांविरोधात अपमानास्पद शब्द वापरले होते आणि त्यांना जीवे मारण्याची धमकी दिली होती. तसेच एकनाथ शिंदे यांच्या नेतृत्वाखालील शिवसेनेच्या कार्यकर्त्याच्या तक्रारीच्या आधारे, पोलिसांनी रविवारी त्या व्यक्तीविरुद्ध भारतीय न्याय संहितेच्या संबंधित कलमांतर्गत गुन्हा दाखल केला, असे पोलीस अधिकाऱ्याने सांगितले. या प्रकरणाचा तपास सुरू असल्याचे त्यांनी सांगितले.