सरकारमधील मंत्र्यांची दालने म्हणजे भ्रष्टाचाराचे अड्डे – धनंजय मुंडे

उस्मानाबादमधील अरुण निटुरे यांनी या अधिका-याला मारहाण केली. आश्रम शाळेची मान्यता आणि एक आश्रमशाळा अनुदानित करण्यासाठी निटुरे यांनी पैसे दिले होते. परंतु पैसे घेऊनही अधिकारी काम करत नसल्यामुळे त्यांनी या अधिका-याला मारहाण केली.

पैसे घेऊन काम करणारा कर्मचारी व खात्याचे मंत्री यांचा काही संबंध आहे का? हे पैसे कोणासाठी घेतले जात होते, ज्या आश्रमशाळेच्या मान्यतेसाठी व अनुदानासाठी पैसे घेतले त्याच प्रमाणे आतापर्यंत श्री. बडोले यांच्या कार्यकाळात मान्यता दिलेल्या आश्रमशाळा आणि अनुदान हे पैसे देऊन केले का? याची चौकशी करण्याची मागणीही धनंजय मुंडे यांनी केली आहे. लाच देणे आणि घेतल्याचे निदर्शनास येणे हा गुन्हा असल्याने या प्रकरणी तात्काळ गुन्हा दाखल करण्याची मागणीही मुंडे यांनी केली आहे.