गणेशोत्‍सव केवळ उत्‍सव नसुन सामाजिक अभिसरण – मुख्‍यमंत्री देवेंद्र फडणवीस

दिनांक 21 एप्रिल रोजी एनसीपीए सभागृह मुंबई येथे लोकमान्‍य टिळक गणेशोत्‍सव स्‍पर्धेच्‍या राज्‍यस्‍तरीय पारितोषीक वितरण समारंभात मुख्‍यमंत्री देवेंद्र फडणवीस बोलत होते. यावेळी मंचावर वित्‍तमंत्री सुधीर मुनगंटीवार, खा. अरविंद सावंत, आ. मंगलप्रभात लोढा, राजपुरोहित, पंकज देशमुख, सांस्‍कृतीक कार्य विभागाच्‍या सचिव वल्‍सा नायर सिंह यांची प्रामुख्‍याने उपस्थिती होती. सन 2016-17 चा अर्थसंकल्‍प विधीमंडळात सादर करताना वित्‍तमंत्री सुधीर मुनगंटीवार यांनी लोकमान्‍य टिळकांच्‍या स्‍वराज्‍य हा माझा जन्‍मसिध्‍द अधिकार आहे या सिंहगर्जनेला शंभर वर्षे पूर्ण झाल्‍याच्‍या निमीत्‍ताने सार्वजनिक गणेशोत्‍सव मंडळाच्‍या माध्‍यमातुन लोकमान्‍य महोत्‍सव आयोजित करण्‍याचे जाहीर केले होते. या लोकमान्‍य महोत्‍सवाच्‍या निमीत्‍ताने घेण्‍यात आलेल्‍या स्‍पर्धांचे राज्‍य स्‍तरीय पारितोषीक वितरण या सोहळण्‍यात करण्‍यात आले.