मालदीव मध्ये स्पीडबोट उलटल्याने गौतम सिंघानिया जखमी, चालक हरी सिंग बेपत्ता

मालदीवमधील वी फेलिधूच्या किनाऱ्याजवळ झालेल्या भीषण स्पीडबोट अपघातात प्रसिद्ध रॅली ड्रायव्हर हरी सिंग यांच्यासह दोन जण बेपत्ता आहेत. या घटनेत रेमंड ग्रुपचे एमडी गौतम सिंघानिया हेही गंभीर जखमी झाले आहेत. त्यांच्यावर मुंबईत उपचार सुरू आहेत.

सिंघानिया अपघातातून बचावले, परंतु त्यांच्यासोबत असलेले प्रसिद्ध रॅली ड्रायव्हर हरी सिंग यांचा शोध सुरू आहे. या अपघातात बंगळूरचे माणिक भीमसेन भारद्वाज हेदेखील गंभीर जखमी झाले आहेत.

हा भीषण अपघात कसा घडला?

मालदीवमधील वी फेलिधू जवळ शुक्रवारी पहाटे पर्यटकांना घेऊन जाणारी एक स्पीडबोट उलटल्याने हा अपघात झाला. मिळालेल्या माहितीनुसार, बोटीत ब्रिटन आणि रशियाच्या दोन महिला आणि भारतातील पाच पुरुषांसह एकूण सात जण होते.

गौतम सिंघानिया यांची प्रकृती कशी आहे?

गौतम सिंघानिया यांना अपघातातून सुखरूप वाचवण्यात आले. त्यांना विमानाने मुंबईला आणण्यात आले. त्यांना किरकोळ दुखापत झाली असून, सध्या मुंबईत त्यांच्यावर उपचार सुरू आहेत.

Edited By - Priya   Dixit