महाराष्ट्रात २१ एप्रिलपासून कर्मचाऱ्यांचा अनिश्चित काळासाठी संप
महाराष्ट्रातील १७ लाख शासकीय आणि निमशासकीय कर्मचारी २१ एप्रिलपासून अनिश्चित काळासाठी संपावर जाणार असून, त्यामुळे शासकीय सेवा, शाळा आणि महाविद्यालयांच्या कामकाजावर परिणाम होण्याची शक्यता आहे.
मिळालेल्या माहितीनुसार आपल्या अनेक प्रलंबित मागण्यांसाठी दबाव आणण्याकरिता राज्यभरातील शासकीय, निमशासकीय कर्मचारी, शिक्षक आणि शिक्षकेतर कर्मचाऱ्यांनी मंगळवार, २१ एप्रिलपासून अनिश्चित काळासाठी संपावर जाण्याचा निर्णय घेतला आहे. जिल्हा, राज्य सरकार, निमशासकीय कर्मचारी, प्राचार्य आणि शिक्षक संघटना समन्वय समितीने जिल्हा आणि शहर सरकारी कार्यालयांमध्ये बैठका घेऊन संपाची तयारी पूर्ण केली आहे. अशी माहिती समोर आली आहे.
संयोजक रावसाहेब निमसे आणि कर्मचारी संघटनेचे अध्यक्ष सुभाष तालेकर यांच्या म्हणण्यानुसार, राज्यभरातील अंदाजे १७ लाख कर्मचारी, शिक्षक आणि शिक्षकेतर कर्मचारी या संपात सहभागी होणार आहे. संघटनांचा आरोप आहे की, सरकार गेल्या दीड वर्षांपासून कर्मचारी आणि शिक्षकांच्या अनेक मागण्यांकडे दुर्लक्ष करत आहे.
संघटनांचे म्हणणे आहे की, केरळसारखी राज्ये ५ लाख रुपयांपर्यंतच्या कॅशलेस आरोग्य विमा योजना देतात आणि अशीच योजना महाराष्ट्रातही लागू केली पाहिजे. या संपामुळे सरकारी कार्यालये, शाळा, महाविद्यालये आणि विविध विभागांच्या कामकाजावर लक्षणीय परिणाम होण्याची शक्यता आहे.
Edited By- Dhanashri Naik
