मराठा आरक्षणावर येत्या १५ जुलै अंतरीम सुनावणी

सर्वोच्च न्यायालयात आज मराठा आरक्षणावर व्हिडिओ कॉन्फरन्सिंगद्वारे सुनावणी झाली. मात्र, सुनावणीदरम्यान व्हिडिओ कॉन्फरन्सिंगच्या माध्यमातून या प्रकरणाचा निकाल देणं शक्य नाही, अशी भूमिका मांडत न्यायालयाने प्रत्यक्ष सुनावणी सुरू झाल्यावर निकाल देऊ अशी भूमिका देखील स्पष्ट केली. त्या पार्श्वभूमीवर किमान वैद्यकीय पदव्युत्तर अभ्यासक्रमाच्या प्रवेशांचा मार्ग मोकळा व्हावा यासाठी अंतरिम आदेश देण्यासाठी १५ जुलै रोजी सुनावणी घेतली जाणार आहे. याआधी गेल्या वर्षी जुलै महिन्यात झालेल्या सुनावणीमध्ये वैद्यकीय पदव्युत्तर अभ्यासक्रमात प्रवेश घेताना मिळणाऱ्या आरक्षणावर स्थगिती आणण्यास सर्वोच्च न्यायालयाने नकार दिला होता.