राष्ट्रवादी विद्यार्थी काँग्रेसने राज्यात चळवळ उभी केली: अजित पवार
विद्यार्थ्यांच्या प्रश्नांसाठी, विद्यार्थ्यांच्या न्याय्य हक्कांसाठी वेळोवेळी पुढाकार घेऊन राष्ट्रवादी विद्यार्थी काँग्रेसने तब्बल ४० मोर्चे, १४ धरणे आंदोलन करुन राज्यात विद्यार्थ्यांच्या प्रश्नांवर एक चळवळ उभी केली आहे, ज्याची दखल आदरणीय शरद पवार साहेबांनीदेखील घेतली आहे, अशा शब्दात राष्ट्रवादी काँग्रेसचे विधिमंडळ पक्षनेते अजित पवार यांनी राष्ट्रवादी विद्यार्थी काँग्रेसच्या कामाचा गौरव केला. ते पिंपरी-चिंचवड येथे आयोजित राष्ट्रवादी विद्यार्थी काँग्रेसच्या मेळाव्यात बोलत होते.
यावेळी मंचावर राष्ट्रवादी विद्यार्थी काँग्रेसचे प्रदेशाध्यक्ष संग्राम कोते पाटील , माजी आमदार विलास लांडे, राष्ट्रवादी काँग्रेस पार्टीचे शहराध्यक्ष संजोग वाघेरे, महापौर शकुंतला दराडे, उपमहापौर प्रभाकर वाघेरे, सभागृहनेते मंगला कदम, राष्ट्रवादी युवक शहराध्यक्ष मयुर कलाटे, मेळाव्याचे संयोजक व राष्ट्रवादी विद्यार्थी काँग्रेसचे शहराध्यक्ष सुनील गव्हाणे आदी मान्यवर उपस्थित होते.
