समान नागरी कायद्यासाठी राज्यसभेत खासगी विधेयक
समान नागरी कायदा लागू करण्यासाठी राज्यसभेत खासगी विधेयक दाखल करण्यात आलं आहे.
भारतीय जनता पक्षाचे राजस्थानमधील खासदार किरोडी लाल मीणा यांनी हे विधेयक दाखल केलं. मात्र या विधेयकावरून राज्यसभेत मोठा गदारोळ झाल्याचं पाहायला मिळालं.
भारतात जाती-धर्मांवर आधारित कायदे रद्द करावेत, अशा आशयाचं हे विधेयक आहे. या विधेयकाचा विरोध करण्यासाठी 3 ठराव मांडण्यात आले. मात्र हे ठराव 63 विरुद्ध 23 मतांनी फेटाळण्यात आले.
यावरून केंद्रीय मंत्री पीयुष गोयल म्हणाले, “खासगी विधेयक दाखल करण्याचा अधिकार सदस्यांना आहे. या विधेयकावर सदनात चर्चा होऊ दे. या क्षणी सरकारच्या हेतूवर शंका घेणे आणि टीका करणं अनावश्यक आहे.” ही बातमी पुढारीने दिली.
Published By -Smita Joshi
