संबंधित माहिती
- Navratri नवरात्रीचे हे उपाय शनीच्या क्रूर दृष्टी तसेच साडेसती- ढैय्या पासून वाचवतील
- मानेवरील काळपटपणा दूर करण्यासाठी घरगुती उपाय
- Chaitra Navratri 2022 नोकरी- व्यवसाय, नातेसंबंधी प्रत्येक समस्या दूर होईल, फक्त चैत्र नवरात्रीला हे काम करा
- दिल्ली : गटारात अडकून ४ कामगारांचा मृत्यू, वाचवण्यासाठी गेलेल्या रिक्षाचालकाचाही मृत्यू
- धक्कादायक ! 4 महिलांनी कॉटवर नेला मृतदेह
मुंबई ड्रग्ज प्रकरणातील पंच प्रभाकर साईलचा मृत्यू
आर्यन खानला कॉर्डालिया क्रूझ ड्रग्ज प्रकरणी अटक केल्यानंतर प्रसिद्धीच्या झोतात आलेल्या पंच प्रभाकर साईलचा मृत्यू झाला आहे.
प्रभाकर साईलचा शुक्रवारी दुपारी हृदयविकाराच्या झटक्याने मृत्यू झाला आहे. ड्रग्ज प्रकरणात अटक करण्यात आलेला अभिनेता शाहरुख खानचा मुलगा आर्यन खान याच्या अटकेनंतर किरण गोसावी चर्चेत आला. प्रभाकर साईल हा गोसावीचा बॉडीगार्ड होता. आज सकाळी 11 वाजता प्रभाकर साईलचे पार्थिव अंत्यदर्शनासाठी अंधेरी येथील त्यांच्या घरी आणले जाईल. तिथे त्यांच्यावर अंत्यसंस्कार करण्यात येणार आहेत. 'एबीपी माझा'ने ही बातमी दिली आहे.
क्रुझ कारवाई प्रकरणातील प्रथम क्रमांकाचे नाव असणारे ते पंच होते. हा पंच किरण गोसावी यांचा बॉडीगार्ड होता. किरण गोसावींकडेच याची राहण्याची आणि खाण्याची व्यवस्था होती.
प्रभाकर साईल यांनी जबाबात सांगितलं होते की, ''क्रूझ कारवाई झाली त्या दिवशी मी किरण गोसावींसोबतच होतो. किरण गोसावी एनसीबी ऑफिसला गेले. मी खालीच थांबलो होतो. गोसावी बरोबर सव्वा बारा वाजता खाली आले. आम्ही तिथून जवळच जाऊ फ्रँकी, थम्स अप घेतलं. तिथू ग्रीन गेटला गेलो. ग्रीन गेटच्या आत गेलो तिथे समीर वानखेडे, त्यांचे सहकारी बसले होते तिथे त्यांना फ्रँकी आणि पाणी-थम्सअप वगैरे दिले. नंतर क्रूझच्या बाहेर गेलो. तिथून मला एका ठिकाणी थांबवून बाहेर जाऊ नको असे सांगितलं. मला काही फोटो दाखवण्यात आले होते आणि ते फोटो असलेले लोक आले की त्यांना ओळखायला सांगितलं होतं. फोटोतल्या व्यक्ती आल्या की मला गोसावींना रिपोर्ट करायचं होतं'', असं साईल यांनी सांगितलं.
