पुण्यात म्हाडाची घरांची सोडत सुमारे दोन हजार घरे

मुंबई पाठोपाठ आता पुणेकरांचे घराचे स्वप्न साकार होणार असून, लवकरच पुणे गृहनिर्माण आणि क्षेत्रविकास मंडळाच्या 2 हजार 503 सदनिका आणि 67 भुखंडांसाठी 16 डिसेंबर रोजी ऑनलाईन सोडत होणार आहे.  श्री शिवछत्रपती क्रीडा संकुल बालेवाडी  ही सोडत होणार असून सोडतीचं थेट प्रेक्षपण म्हाडा लॉटरीच्या वेबसाईटवर होणार आहे.

पुणे गृहनिर्माण आणि क्षेत्रविकास मंडळाने प्रसिध्दीपत्रकाद्वारे याबाबत माहिती दिली. यामध्ये पुणे गृहनिर्माण आणि क्षेत्रविकास मंडळातर्फे 2 हजार 503 सदनिका आणि 67 भूखंडाच्या विक्रीसाठी 5 डिसेंबर रोजी जाहिरात देण्यात आली होती. या जाहिरातीस अनुसरुन अंदाजे 31 हजार नागरिकांनी रक्कम भरुन सोडतीसाठी सहभाग नोंदवला आहे. त्यामुळे मुंबई पाठोपाठ सर्वाधिक घरांच्या किमती असलेल्या पुणे येथील शहरात आता सामन्य माणूस घर घेऊ शकेल.